ކުރީގެ އަންހެނުން އަދި މަޝްހޫރު ސެލިބްރިޓީ ކިމް ކާޑޭޝިއަންއާއިއެކު އޮތް ގުޅުން ނިމުމަކަށް ގެނައުމަށްފަހު 45 އަހަރުގެ ރެޕާ ކާންޔޭ ވެސްޓް އައު ލޯބިވެރިއެއް ހޯދައިފިއެވެ.
ޚަބަރުތައް ބުނާގޮތުގައި ކާންޔޭ މިހާރު އުޅެނީ ދެކުނު އެފްރިކާގެ މޮޑެލް ކެންޑިސް ސްވޭންޕޯއެލްއާ ރައްޓެހިވެގެންނެވެ.
ނިއުޔޯކް ފެޝަން ވީކްގައި މި ދެމީހުން އެކުގައި އުޅުތަން ގިނަ ބަޔަކަށް ވަނީ ފެނިފައެވެ. އުމުރުން 33 އަހަރުގެ ސުޕަމޮޑެލްއާ އެކު ނަގާފައިވާ ސެލްފީއެއްވެސް އިންސްޓަގްރާމް ސްޓޯރީގައި ކާންޔޭ ވަނީ ޕޯސްޓްކޮށްފައެވެ. ސެލްފީގައި ފެންނަނީ ބްލަރޑް އައުޓް ބިއްލޫރިއެއްގެ ފަހަތުގައި އެ ދެމީހުން އެކުގައި ޕޯޒް ކުރާތަނެވެ.
ކޭންޑިސް ވަނީ ކާންޔޭގެ އައު ވައިޒީ އެސްއެޗްޑީޒެޑް ކެމްޕޭނުގައި ވެސް ފެނިފައެވެ. މީގެ އިތުރުން ދެން އެންމެ ޝައުގުވެރި ކަމަކީ ކިމްގެ ސްކިމްސް ކެމްޕޭނުގައިވެސް އޭނާ ބައިވެރިވެފައިވާކަމެވެ. މި ކެމްޕޭން "ދަ ކާޑޭޝިއަން" ސީޒަން 2 ގައި ދައްކަންވެސް ވަނީ ހަމަޖެހިފައެވެ.
ކޭންޑިސް ކުރިން ކާންޔޭ ވެސްޓް ވަނީ އިރީނާ ޝައިކް، ޗޭނީ ޖޯންސް އާއި ޖޫލިއާ ފޮކްސް އާއި ވެސް ރައްޓެހިވެފައެވެ.
ކާންޔޭ ވެސްޓް ގާތުން ވަރިވުމަށް ކިމް ކަޑޭޝިއަން މީގެ އަހަރެއް ކުރިން ކޯޓަށް ހުށަހެޅި މައްސަލަ ނިންމާލާފައިވަނީ މިދިޔަ މާރިޗު މަހުއެވެ. ވަރީގެ މައްސަލަ ނިމުނަސް، އެމީހުންގެ މުދަލާއި ދަރިންގެ ކަސްޓަޑީގެ މައްސަލަ އަދި އޮންނާނެ އެވެ. އެ ދެމީހުންގެ ހަތަރު ކުދިން ތިބެއެވެ.
ކާންޔޭ ކައިރިން ކިމް ވަރިވިއިރު، ކިމް ވަނީ މީގެކުރިން ވެސް ދެ ކައިވެންޏެއް ކޮށްފައެވެ. މީގެކުރިން ކިމް ކައިވެނި ކޮށްފައިވަނީ ބާސްކެޓްބޯޅަ ކުޅުންތެރިޔާ ކްރިސް ހަމްފްރީސް އާއި މިއުޒިކް ޕްރޮޑިއުސަރު ޑޭމަން ތޯމަސްއާއެވެ. ކިމް އަކީ ކާންޔޭގެ ފުރަތަމަ ކައިވެންޏެވެ. އަދި ކަންޔޭ ކައިރިން ވަރިވުމަށްފަހު އެންމެ ފަހުން ރައްޓެހިވެގެން އުޅުނު ކޮމީޑިއަން ޕީޓް ޑޭވިޑްސަން އާއިވެސް މިހާރު ވަނީ ރުޅިވެފައެވެ.