މިއަހަރުގެ ޓޮރޮންޓޯ އިންޓަނޭޝަނަލް ފިލްމް ފެސްޓިވަލް، ޓީއައިއެފްއެފް ގައި ވޯލްޑް ޕްރިމިއަރ އަކަށްފަހު މަޝްހޫރު ކޮމީޑިއަން ކަޕިލް ޝަރުމާގެ ފިލްމު "ޒިވިގާޓޯ" މިއަހަރު ބާއްވާ ބުސާން އިންޓަނޭޝަނަލް ފިލްމް ފެސްޓިވަލްގައި ދައްކާލާން ނިންމައިފިއެވެ.
ބުސާން ފިލްމު ފެސްޓިވަލުގައި މި ފިލްމު ދައްކާލާނެކަމަށް އިއުލާނުކުރުމަށްފަހު ޕްރޮޑަކްޝަން ޓީމުން ވަނީ "ޒިވިގާޓޯ" ގެ ޓްރެއިލާއެއްވެސް އާއްމުކޮށްފައެވެ.
After the successful world premiere at @TIFF_NET, Zwigato is all set to win hearts at @busanfilmfest. Here's a sneak peek into the world of Zwigato, check out the International trailer here: https://t.co/ly10SOusuS
— Applause Entertainment (@ApplauseSocial) September 19, 2022
މި މަހުގެ 8 ވަނަ ދުވަހުން 18 ވަނަ ދުވަހުގެ ނިޔަލަށް ކުރިއަށް ގެންދިޔަ ޓްރޮންޓޯ އިންޓަނޭޝަނަލް ފިލްމު ފެސްޓިވަލްގައި ފިލްމު ޕްރީމިއާކުރީ "ކޮންޓެމްޕޮރަރީ ވޯލްޑް ސިނެމާ" ސެކްޝަންގައެވެ.
"ޒިވިގާޓޯ" އަކީ "ފަޔާ" އާއި "އާތު" ފަދަ ފިލްމުތައް ކުޅުނު ބަތަލާ ނަމްދިތާ ދާސް ލިޔެ، ޑައިރެކްޓްކޮށްފައިވާ ފިލްމެކެވެ. މީގައި ކަޕިލް ކުޅެފައި އޮޑިއްސާގައި އުޅޭ ޑެލިވަރީ ބޯއިއެއްގެ ރޯލެވެ. ފިލްމުގައި އޭނަގެ އަންހެނުންގެ ރޯލު ކުޅުނީ ޝަހާނާ ގޮސްވާމީއެވެ.
"ޒިވިގާޓޯ" އަކީ ނަންދިތާ ޑައިރެކްޓްކުރި 3 ވަނަ ފިލްމެވެ. އޭނަގެ ފުރަތަމަ ޑައިރެކްޝަނަކީ 2008 ގެ "ފިރާގް" އެވެ. އަދި ދެވަނަ ފިލްމަކީ 2017 ގެ "މަންޓޯ"އެވެ.
ކަޕިލް ކުރިން ކުރިން ކުޅުނު ފިލްމުތަކުގެ ތެރޭގައި "ކިސް ކިސް ކޯ ޕިޔާރު ކަރޫ" އާއި"ފިރަންގީ" ހިމެނެއެވެ.