އަޖޭ ދޭވްގަން އާއި ތާބޫ ލީޑް ރޯލުން ފެންނަ ފިލްމު "ދުރިޝަމް 2" އަންނަ ނޮވެމްބަރުމަހުގެ 18 ވަނަ ދުވަހު ރިލީޒްކުރާގޮތަށް ހަމަޖެހިއްޖެއެވެ. މި ފިލްމުގެ ޓީޒާއެއް ދާދިފަހުން ވަނީ ބެލުންތެރިންނަށް ދޫކޮށްލާފައެވެ.
ޓީޒާ އާންމުކުރަމުން އަޖޭ ބުނެފައިވަނީ މިހާރު ވިޖޭ ސޮލްގޯންކަރު އޭނާގެ އާއިލާއާއިއެކު އެނބުރި އައިސްފި ކަމަށެވެ.
ގިނަ ބަޔަކު އިންތިޒާރުކުރަމުން އަންނަ މި ފިލްމުގެ ކާސްޓުގައި ލީޑް ރޯލުން ފެނިގެންދާ އަޖޭ އާއި ތާބޫގެ އިތުރުން ޝްރިޔާ ސާރަން، އިޝިތާ ދައްތާ، މުރުނާލް ޖާދަވް، އަދި ރަޖަތު ކަޕޫރު ވެސް ހިމެނެ އެވެ. މީގެ ކާސްޓާއި އެންމެ ފަހުން ގުޅުނީ އެކްޓަރު އަކްޝޭ ކަންނާއެވެ.
Vijay aur uske parivaar ki kahaani toh yaad hogi na aapko? Ki yaad dilaye? #Drishyam2 in cinemas on 18th November, 2022.#Tabu #AkshayeKhanna @shriya1109 #RajatKapoor @ishidutta #MrunalJadhav @AbhishekPathakk @KumarMangat pic.twitter.com/LlUuS9x4Kn
— Ajay Devgn (@ajaydevgn) September 29, 2022
މިހާރު ވަރަށް މަދުން ފިލްމުތަކުން ފެންނަ އަދި ސަޕޯޓިން ރޯލްތައް ކުޅެމުން އަންނަ 47 އަހަރުގެ އަކްޝޭ "ދުރިޝަމް 2" އަށް ސޮއިކުރިކަން ކަށަވަރުކޮށް ދިނީ ތާބޫއެވެ. އެގޮތުން ފިލްމުގެ ސެޓުން ނަގާފައިވާ ފޮޓޯއަކާ އޭނާ ބުނީ އަކްޝޭ ފިލްމާ ގުޅުމަކީ ލިބުނު ވަރަށް ބޮޑު އުފަލެއް ކަމަށެވެ.
އަޖޭގެ މި ފިލްމަށް އަކްޝޭ ސޮއިކުރި އިރު، ދެ ތަރިން އެކީގައި 2002 ގެ "ދީވާންގީ" ގައިވެސް މަސައްކަތްކޮށްފައިވެއެވެ.
"ދުރިޝަމް" އަކީ 2020 ގައި މަރުވި ޑައިރެކްޓަރު ނިޝިކާންތު ކަމަތު ގެނެސްދިން ވަރަށް ކާމިޔާބު ތުރިލާއެކެވެ. އެ ފިލްމަކީ 2013 ގައި ހަމަ އެ ނަމުގައި ގެނެސްދިން މަލަޔާޅަމް ފިލްމެއްގެ ރިމޭކެކެވެ. އޭގެ ސީކްއެލް ރިލީޒްކުރީ މިދިޔަ އަހަރު އެވެ. ފިލްމުގެ މައިގަނޑު ތަރިއަކީ މޯހަންލާލެވެ.
ހިންދީ ރިމޭކްގައި އަޖޭ، މޯހަންލާލްގެ ކެރެކްޓާ ކުޅޭ އިރު، "ދުރިޝަމް 2" އަކީ މިދިޔަ އަހަރުގެ ފިލްމުގެ ހިންދީ ސީކްއެލް އެވެ. ދެ ފިލްމުގައި ވެސް ތާބޫ އަކީ ފުލުހެކެވެ. އަޖޭގެ "ދުރިޝަމް 2" ޑައިރެކްޓްކުރަނީ 2019 ގެ "އުޖުޅާ ޗަމަން" ގެނެސްދިން އަބީޝެކް ޕަތަކެވެ.
"ދިރިޝްޔަމް 2" ޕްރޮޑިއުސްކުރަނީ ވިއަކޮމް18 ސްޓޫޑިއޯސް، ގުލްޝަން ކުމާރް، ޓީ ސީރީޒް އަދި ޕެނަރޯމާ ސްޓޫޑިއޯސް އެވެ. ކޯ ޕްރޮޑިއުސްކޮށްފައިވަނީ ސަންޖީވް ޖޯޝީ، އަދީއްޔާ ޗޯކްސީ އަދި ޝިވް ޗަނާނާ އެވެ.
މި ފިލްމުގެ އިތުރުން އަޖޭގެ ކުރިއަށްހުރި ފިލްމުތަކުގެ ތެރޭގައި އަންނަ އަހަރު ރިލީޒްކުރާ "ބޯލާ"، އަންނަ އޮކްޓޫބަރު މަހު ރިލިޒްކުރަން ތާވަލުކޮށްފައިވާ ފިލްމު "ތޭންކް ގޯޑް" މިއަހަރު ރިލީޒްކުރަބް ތައްޔާރުވެފައިވާ "ޗނަކަޔާ" ، "ގޯބަރު" އަދި "ކެއިތީ" ވެސް ހިމެނެއެވެ. މީގެއިތުރުން "ސާދޭ ސާތީ" އަދި "ސިންގަމް 3" އަކީވެސް އަޖޭ ކުރިއަށް ސޮއިކޮށްފައިވާ ފިލްމުތަކެވެ.