މަޝްހޫރު ދެކުނު ތަރި ސަމަންތާ ރޫތު ޕްރަބޫ ދަނީ ބޮލީވުޑްގައި ފައިތިލަ ސާބިތުކުރުމަށް މަސައްކަތްކުރަމުންނެވެ.
ކަރަން ޖޯހަރާއި އަކްޝޭ ކުމާރު ފަދަ ބޮލީވުޑްގެ ނުފޫޒުގަދަ ފަންނާނުންނާއެކު ސަމަންތާއަށް މަސައްކަތްކޮށްލެވޭގޮތް އަދި ނުވި ނަމަވެސް ޕްރޮޑިއުސަރު ދިނޭޝް ވިޖާންގެ ހިންދީ ފިލްމަކަށް ސަމަންތާ ސޮއިކޮށްފައިވާ ކަމަށް ރިޕޯޓުތައް ބުނެއެވެ.
ނަމަވެސް މިކަމާ ގުޅޭ ގޮތުން ރަސްމީކޮށް އަދި އެއްވެސް އެއްޗެއް އިއުލާނެއް ނުކުރެއެވެ. ރަނގަޅަށް ހިންދީ ދަސްކުރުމުގެ ގޮތުން ސަމަންތާ މިހާރު އަންނަނީ ކޯޗެއްގެ އެހީގައި މަސައްކަތް ކުރަމުންނެވެ.
މުމްބާއީގައި ހުންނަ އޭނާގެ ގާތް ރަހުމަތްތެރިއަކު ހާމަކުރިގޮތުގައި، ސަމަންތާއަށް ބޮލީވުޑް ބަތަލާ ކެޓްރީނާ ކައިފް އަށްވުރެވެސް ފަރިތަކޮށް ހިންދީ ބަހުން ވާހަކަ ދެއްކޭނެއެވެ. ނަމަވެސް އޭނާގެ އެކްސެންޓަށް މަސައްކަތް ކުރަން ޖެހެއެވެ. އެކަމަށްޓަކައި އޭނާ ވަނީ ކޯޗެއް ހޯދާފައެވެ. އަދި މިގޮތަށް ދަސްކުރަނީ އެމެޒޯންގެ ވެބް ސީރީޒް "ދަ ސިޓަޑެލް" ގައި ހިންދީ ބަހުން ވާހަކަ ދައްކަން ޖެހޭތީ ކަމަށްވެސް ސަމަންތާގެ ރަހްމަތްތެރިޔާ ބުނެއެވެ.
ބެލެވޭ ގޮތުގައި ވެބް ސީރީޒް "ދަ ސިޓޭޑެލް" ސަމަންތާ ފެންނާނީ އުތުރު އިންޑިއާގެ ކެރެކްޓާއަކުންނެވެ.