މީޑިއާނެޓްގެ ވީޑިއޯ ކްލަބް އެނިވާސަރީ ޕްރޮމޯ މާދަން ނިމެނީ

މީޑިއާނެޓުން "ވީޑިއޯކްލަބް އެނިވާސަރީ ޕްރޮމޯ"ގެ ނަމުގައި ކުރިއަށް ގެންދާ ޕްރޮމޯޝަން މާދަމާ ނިމޭނެއެވެ.

މި ފްރޮމޯޝަނަކީ ވީޑިއޯ ކްލަބަށް ދެއަހަރު ފުރުމުގެ މުނާސަބަތުގައި ފަށާފައިވާ ޕްރޮމޯޝަނެކެވެ. މިޕްރޮމޯޝަން ފަށާފައިވަނީ ފެބްރުއަރީ 14 ވަނަ ދުވަހުއެވެ.

މިޕްރޮމޯޝަންގައި ބައިވެރިވެރިވޭނީ ވީޑިއޯ ކްލަބަށް ސަބްސްކްރައިބް ކޮށްގެން ކަމަށް މީޑިއާ ނެޓުން ބުނެއެވެ. މިޕްރޮމޯޝަނުގައި ކޮންމެ ހަފްތާއަކުވެސް ނަސީބުވެރިން ހޮވައެވެ. ނަސީބުވެރި ފަރާތްތަކަށް މާލެ އަތޮޅުގެ ގެސްޓްހައުސްއެއްގައި ހިލޭ ހުރުމާއި، ކެއުން އަދި ދެކޮޅު ދަތުރު ހަމަޖެހިފައިވާ ކަމަށް މީޑީއާނެޓުން ބުނެއެވެ.

މި ޕްރޮމޯޝަންގައި ވީޑިއޯ ކްލަބާއި ޕާޓްނާ ވެފައިވާ ގެސްޓްހައުސްތަކަކީ ކ. މާފުށީގެ ކްރިސްޓަލް ސޭންޑްސް އާއި މަލަޑިވާ ބީޗް އެންޑް ސްޕާ އާއި ކުރެދި ބީޗް އިންގެ އިތުރުން ކ.ދިއްފުށިން ރަށު ހިޔާ އަދި ކ. ތުލުސްދޫގެ ސީޒަން ޕެރެޑައިސްއެވެ.

މިޕްރޮމޯޝަންގައި ބައިވެރިވާން ބޭނުންވާ އަދި ވީޑިއޯ ކްލަބްގެ ކޮންޓެންޓް ބަލާލަން ބޭނުންވާ ފަރާތްތަކަށް ms.medianet.mv މެދުވެރިކޮށް ރެޖިސްޓަރ ކޮށްލެވޭނެއެވެ.

މީޑިއާނެޓުން 2021 ވަނަ އަހަރު ތަޢާރަފްކުރި ވީޑިއޯ ކްލަބްގައި މިއަދާ ހަމަޔަށް 3000 އަށްވުރެ ގިނަ ގަޑިއިރުގެ ކޮންޓެންޓް ހިމެނިފައިވެއެވެ. އޭގެތެރޭގައި އިނގިރޭސި، ތުރުކީ، ޕާކިސްތާނީ، ހިންދީ، އަދި ކުޑަކުދިންނާ ގުޅޭ އެކިއެކި ފިލްމާއި ސީރީސްގެ އިތުރުން އެމް އޮރިޖިނަލްސްގެ ދަށުން ދިވެހި އަމިއްލަ އުފެއްދުންތައްވެސް ހިމެނެއެވެ.