ޙައްޖުވެރިންގެ ފުރަތަމަ ގްރޫޕް ރާއްޖެ އަތުވެއްޖެ، މިއަދު އިތުރު ގްރޫޕްތައްވެސް އަންނާނެ

1444 ވަނަ އަހަރު ޙައްޖުގެ މަތިވެރި އަޅުކަން ނިންމުމަށްފަހު، ދިވެހި ޙައްޖުވެރިން ރާއްޖެ އަންނަން ފަށައިފިއެވެ. މިގޮތުން އެންމެ ފުރަތަމަ ރާއްޖެ އައިސްފައިވަނީ އަލް މަނާސިކް ޕްރައިވެޓް ލިމިޓެޑްގެ ހަވާލުގައި ޙައްޖަށްދިޔަ ޙައްޖުވެރިންނެވެ. އެގްރޫޕް ރާއްޖެ އައީ މިއަދު ހެނދުނެވެ.

އިސްލާމިކް މިނިސްޓްރީން ވިދާޅުވީ ހައްޖުގެ މަތިވެރި އަޅުކަން ނިންމުމަށްފަހު ރާއްޖެ އައުމައްޓަކައި 2 ވަނަ ގްރޫޕް މިހާރު އެއާރޕޯޓަށް ގޮސްފައިވާކަމަށެއެވެ. މިއަދު ރާއްޖެ އަންނަ ދެވަނަ ގްރޫޕްއަކީ ހައްޖު ކޯޕަރޭޝަން ލިމިޓެޑްގެ ހަވާލުގައި ހައްޖަށް ދިޔަ ހައްޖުވެރިންނެވެ.

1444 ވަނަ އަހަރު ޙައްޖުގެ މަތިވެރި އަޅުކަން ނިންމުމަށްފަހު ރާއްޖެ އައުމަށްޓަކައި 2ވަނަ ގްރޫޕް ފުރުން.
މިއީ މޯލްޑިވްސް ޙައްޖު ކޯޕަރޭޝަން ލިމިޓެޑްގެ ހަވާލުގައި ޙައްޖަށްދިޔަ ޙައްޖުވެރިން.#ޙައްޖު1444#MVIaffairs#hajjmission #hajj1444 pic.twitter.com/wKVH1IqHRR

— Ministry of Islamic Affairs (@MVIaffairs) July 7, 2023

މިއަހަރު ރާއްޖެއިން ޙައްޖަށް މީހުން ގެންދިޔުމަށް ލިބިފައިވަނީ 1000 ކޯޓާއެވެ. މީގެ ތެރެއިން ޙައްޖަށް ގެންދިޔުމުގެ ހުއްދަ ދޫކޮށްފައިވާ 3 ކުންފުނިން ކޮންމެ ކުންފުންޏަކަށް ދީފައިވަނީ 90 ފުރުޞަތެވެ. އަދި ދެންހުރި ފުރުސަތުތައް ދިނީ ޙައްޖު ކޯޕަރޭޝަނަށެވެ.

މި އަހަރުގެ ހައްޖުގެ އަޅުކަމަށް ދިޔަ ޙައްޖުވެރިންގެ ތެރެއިން ދިވެހި ހަތަރު ހާޖީއަކު ވަނީ ނިޔާވެފައެވެ.

މިއަހަރަކީ ކޯވިޑްގެ ކުރިން ހައްޖުގެ އަޅުކަން އަދާކުރުމަށް ފުރުޞަތުދޭ މިންވަރަށް ފުރުޞަތު ދިން ފުރަތަމަ ފަހަރެވެ. އެގޮތުން 2 މިލިޔަން މީހުންނަށް ހައްޖުގެ އަޅުކަން އަދާކުރުމުގެ ފުރުޞަތު ސަޢުދީން މިއަހަރުވަނީ ދީފައެވެ.