ޚަބަރު
ހުޅުމާލޭގައި މޫދަށް އެރިއުޅުނު ބިދޭސީއަކު މަރުވެފައި އޮއްވާ ފެނިއްޖެ
-
މަރުވެފައި އޮއްވާ ފެނުނީ ސްރީލަންކާގެ ފިރިހެނެއް
-
ހޮސްޕިޓަލަށް ގެންދިޔަ އިރުގައިވެސް އޭނާ މަރުވެފައިވާކަމަށް
ހުޅުމާލެ ބީޗް ސަރަހައްދު
ހުޅުމާލޭ ދެވަނަ ފިޔަވަހީގައި މޫދަށް އެރިއުޅުނު މީހަކު މަރުވެފައި އޮއްވާ ފެނިއްޖެއެވެ. މަރުވެފައި އޮއްވާ ފެނުނީ ޢުމުރުން 55 އަހަރުގެ ސްރީލަންކާ ފިރިހެނެކެވެ.
ފުލުހުން ބުނީ ހުޅުމާލޭ ދެވަނަ ފިޔަވަހީގެ މޫދަށް މަސްހިފަން ފޭބި ބިދޭސީ މީހާ ގެއްލިގެން ހެނދުނު ފުލުހުންނަށް ރިޕޯޓް ކޮއްފައިވާކަމަށެވެ. އޭނާ ފެނިފައި ވަނީ ހޯދަމުން ދަނިކޮން ހުޅުމާލޭގެ އިރު އުތުރު ފަރާތުގެ ފަޅުތެރެއިންނެވެ.
ފުލުހުން ވިދާޅުވީ، އޭނާ ހުޅުމާލޭ ހޮސްޕިޓަލަށް ގެންދިޔަ އިރުގައިވެސް މަރުވެފައި ވާކަމަށް ހުޅުމާލެ ހޮސްޕިޓަލުން ވިދާޅުވެފައިވާކަމަށެވެ.
މިހާދިސާއާ ގުޅިގެން އިތުރަށް ތަހުގީގު ކުރަން ޖެހޭ ކަންތައްތައް ބަލަމުން ދާކަމަށް ފުލުހުން ވަނީ ވިދާޅުވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ