ރައީސް ޔާމީން އުފައްދަވާ އައު ޕާޓީއަކީ "ޕީޕަލްސް ނޭޝަނަލް ފްރޮންޓް"

ސިޔާސީ މަސައްކަތް ކުރެއްވުމަށް ކުރީގެ ރައީސް އަބްދުالله ޔާމީން އުފައްދަވާ އައު ސިޔާސީ ޕާޓީގެ ނަމާއި ލޯގޯ އާންމުކޮށްފިއެވެ.

އައު ސިޔާސީ ޕާޓީގެ ނަމާއި ލޯގޯ މިރޭގެ ވަގުތެއްގައި ވަނީ ސޯޝަލް މީޑިއާގައި ހިއްސާކޮށްފައެވެ. ރައީސް ޔާމީން އުފައްދަވާ ސިޔާސީ ޕާޓީއަށް ކިޔަނީ "ޕީޕަލްސް ނޭޝަނަލް ފްރޮންޓް"އެވެ. ޕާޓީގެ ނަމާއި ލޯގޯ އާންމުކޮށްފައިވާއިރު މާދަމާގެ ވަގުތެއްގައި ޕާޓީ ހެދުމުގެ ހުއްދަށް އެދޭނެކަން މީގެކުރިން ވަނީ ހާމަކޮށްފައެވެ.

އަޅުގަނޑުމެންގެ މި މަސައްކަތުގަި ބަރަކާތް ލައްވާތޯ މާތްﷲ ހަޟްރަތުގައި ދުޢާ ދަންނަވަން! ޕާޓީއަށް ބާއްޖަވެރި މުސްތަޤްބަލަކަށް އެދެން! އަދި އަވަސް ފުރުސަތެއްގައި ރ. ޔާމީން މިނިވަން ވުމަށް އެދެން!#FreePresidentYameen https://t.co/4p0gdcK3e2

— ZeIn (@zein_zenin) November 25, 2023

ޕްރޮގްރެސިވް ޕާޓީ އޮފް މޯލްޑިވްސް، ޕީޕީއެމުން ވަކިވެ އައު ޕާޓީއެއް ހެއްދެވުމަށް ރައީސް ޔާމީން ނިންމެވީ ޕާޓީގެ ލީޑަރޝިޕުން އެމަނިކުފާނު އެއްފަރާތް ކޮށްފައިވާ ކަމަށް ވިދާޅުވެއެވެ. ޔާމީންގެ ޕާޓީ އުފެއްދުމުގައި އިސްކޮށް ހަރަކާތްތެރިވަނީ އެމަނިކުފާނުގެ ވެރިކަމުގައި ފުރަތަމަ ނައިބު ރައީސްކަން ކުރެއްވި ޑރ. މުހައްމަދު ޖަމީލު އަހުމަދާއި އެ ވެރިކަމުގައި ޔޫތު މިނިސްޓަރުކަން ކުރެއްވި މުހައްމަދު މަލީހު ޖަމާލުއެވެ.