ޕްރައިމަރީއަކާ ނުލައި މަޖިލިސް އިންތިޚާބުގެ އެމްޑީޕީ ޓިކެޓް އިތުރު 10 މީހުންނަށް
-
ޕްރައިމަރީގައި ކުރިމަތިލުމަށް ހުޅުވާލީ މިދިޔަ މަހުގެ 16ގައި
-
46 ކެންޑިޑޭޓަކަށް ޓިކެޓް ޔަޤީންވެފައިވޭ
-
ޕްރައިމަރީ އޮންނާނީ އަންނަ މަހުގެ 3ގައި
ރައްޔިތުންގެ މަޖިލީސް އިންތިޚާބުގައި އިދިކޮޅު މޯލްޑިވްސް ޑިމޮކްރެޓިކް ޕާޓީ، އެމްޑީޕީގެ ޓިކެޓް ޕްރައިމަރީއަކާއި ނުލައި އިތުރު 10 ކެންޑިޑޭޓަކަށް ޓިކެޓް ކަށަވަރު ވެއްޖެއެވެ. އެއާއެކު މަޖިލިސް އިންތިޚާބުގައި އެމްޑީޕީގެ ޓިކެޓްގައި ވާދަކުރުމަށްޓަކައި ޕްރައިމެރީއަކާ ނުލާ 46 ކެންޑިޑޭޓަކަށް ވަނީ ޓިކެޓް ޔަޤީންވެފައެވެ.
އެމްޑީޕީގެ ޕްރައިމަރީގައި ކުރިމަތިލުމަށް ހުޅުވާލީ މިދިޔަ މަހުގެ 16ގައެވެ. މިދިޔަ މަހުގެ 25އާ ހަމައަށް ހުޅުވާލި އެ ފުރުޞަތުގައި ކުރިމަތިލި މީހުންގެ ތެރެއިން 36 މީހަކު ވަނީ ޕްރައިމަރީގައި ވާދަކުރަން ނުޖެހި ޓިކެޓް ކަށަވަރުކޮށްފައި ކަމަށް މި މަހުގެ 3 ވަނަ ދުވަހު އެ ޕާޓީން ވަނީ އިޢުލާންކޮށްފައެވެ. އެއީ އެ ދާއިރާތަކަށް އިތުރު މީހަކު ކުރިމަތިނުލާތީއެވެ. އެމްޑީޕީގެ ޓިކެޓްގައި ވާދަކުރާނެ ކެންޑިޑޭޓުން ކަނޑައަޅަން ބާއްވާ ޕްރައިމަރީ އަންނަ މަހުގެ 3 ވަނަ ދުވަހުއެވެ.
ޓިކެޓް ޔަޤީންވި 10 ކެންޑިޑޭޓުން
ކަނޑިތީމު ދާއިރާ - އަމީން ފައިސަލް
ސަލީމް ހުސައިން - އިނގުރައިދޫ ދާއިރާ
އަލީ ނިޔާޒް - ކުރެންދޫ ދާއިރާ
ޝާތިރު އަބްދުއްރަހްމާން - ހުރާ ދާއިރާ
ރުގިއްޔާ މުޙައްމަދު - ދަނގެތި ދާއިރާ
މޫސާ ޝިޔާމް ޢަބްދުﷲ ޢަލީ - މުލަކު ދާއިރާ
ޢަބްދުﷲ ޝަރީފް - ގަމު ދާއިރާ
އަޙުމަދު ސައީދު - ގެމަނަފުށި ދާއިރާ
އަޙުމަދު ސައީދު މުޙައްމަދު - ގައްދޫ ދާއިރާ
އިބްރާހީމް މުއިއްޒު - ހެންވޭރު އުތުރު ދާއިރާ
އެމްޑީޕީން ވަނީ އެތެރޭގެ ޕްރައިމަރީތައް ބާއްވާނެ ދާއިރާތަކާއި އެ ދާއިރާތަކަށް ވާދަކުރާނެ ކެންޑިޑޭޓުންގެ ލިސްޓު ޢާންމުކޮށް ޝަކުވާ ހުށައެޅުމާއި ރީރަޖިސްޓްރޭޝަންއަށް ހުޅުވާލައިފައެވެ.
ރައްޔިތުންގެ މަޖިލިސް އިންތިޚާބު ބޭއްވުމަށް އިލެކްޝަންސް ކޮމިޝަނުން ނިންމަވަފައިވަނީ މާރޗް މަހުގެ 17 ވަނަ ދުވަހުގައެވެ