މިސަރުކާރު ދެމިއޮންނާނީ އަބަދުވެސް ރައްޔިތުންނާއެކު: ނައިބު ރައީސް

މިސަރުކާރު އަބަދުވެސް ދެމިއޮންނާނީ ރައްޔިތުންނާއެކު ކަމަށް ރައީސުލްޖުމްހޫރިއްޔާގެ ނައިބު އަލްއުސްތާޛް ހުސައިން މުހައްމަދު ލަޠީފު ވިދާޅުވެއްޖެއެވެ.

ނައިބު ރައީސް މިހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ. މިޕޯސްޓުގައި ނައިބު ރައީސް ވިދާޅުވެފައިވަނީ ރައީސުލްޖުމްހޫރިއްޔާ ޑރ.މުހައްމަދު މުއިއްޒަކީ ރައްޔިތުންގެ އަޑުއައްސަވައި، ރައްޔިތުންގެ ފިކުރާއި ވިސްނުމާއި އެއްގޮތަށް ވެރިކަން ކުރައްވާނެ ވެރިއެއްކަމަށެވެ. އަދި އެމަނިކުފާނުގެ މުޅި ސަރުކާރު ބިނާކުރައްވަނީ ރައްޔިތުން އެދޭފަދަ ފުރިހަމަ ޚިދުމަތެއް ދެވޭނެ ބައްޓަމަށް ކަމަށާއި، މިސަރުކާރު އަބަދުވެސް އޮންނާނީ ރައްޔިތުންނާއެކު ކަމަށް ނައިބު ރައީސްވަނީ ވިދާޅުވެފައެވެ.

ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވެރިކަމަށް ވަޑައިގެންނެވުމަށްފަހު ރައްޔިތުންނަށް އެންމެ ބޭނުންޖެހިފައިވާ ކަންކަން ފުރިހަމަކޮށްދެއްވުމަށް ގެންދަވަނީ މަސައްކަތްޕުޅު ކުރައްވަމުންނެވެ. އެގޮތުން މިސަރުކާރުގެ ހަފްތާ 14 މަގުޗާޓުގެ ތެރޭގައި މިކަންކަމަށް ޓައިމްލައިންއެއް ކަނޑައަޅުއްވައިގެން އެކަންކަން ގެންދަވަނީ ކުރައްވަމުންނެވެ.