ވަންދޫގައި އަލަށް ބިނާކުރާ މިސްކިތުގެ ޢަމަލީ މަސައްކަތް ފަށައިިފި

ތ. ވަންދޫގައި އަލަށް ބިނާކުރާ މިސްކިތުގެ ޢަމަލީ މަސައްކަތް ފަށައިިފިއެވެ.

ތ އަތޮޅު ވަންދޫގައި ބިނާކުރުމަށް ހަމަޖެހިފައިވާ އައު މިސްކިތުގެ ޢަމަލީ މަސައްކަތް ފަށާފައިވަނީ އެކަމަށް ޚާއްސަކޮށް ބޭއްވި ރަސްމިއްޔާތުގައި، އިސްލާމީ ކަންތައްތަކާ ބެހޭ ވުޒާރާގެ ސްޓޭޓް މިނިސްޓަރ ޑރ. މުޙައްމަދު ޝުޖާޢު އަބްދުލް ހަކީމް އަދި ވަންދޫ ކައުންސިލްގެ ރައީސް ޝިޔާޒް އިބްރާހީމެވެ.

Today marked the initiation of practical work on the new mosque in Th. Vandhoo, featuring a ceremony presided over by the Minister of State for Islamic Affairs, Dr. Mohamed Shujau Abdul Hakeem, and Shiyaz Ibrahim, Vandhoo Council president. pic.twitter.com/kdbz6X7GDF

— Ministry of Islamic Affairs (@MVIaffairs) January 27, 2024

ވަންދޫގައި ޢިމާރާތްކުރާ މިސްކިތުގެ މަސައްކަތް ޙަވާލުކޮށްފައިވަނީ އެލް.އެފް ކޮންސްޓްރަކްޝަން ޕްރައިވެޓް ލިމިޓެޑާއެވެ. މި މަޝްރޫޢުގެ ޖުމްލަ އަގަކީ 9,778,268.92 (ނުވަ މިލިއަން ހަތްދިހަ ހަތްލައްކަ އަށްހާސް ދުއިސައްތަ ފަސްދޮޅަސް އަށް ރުފިޔާ ނުވަދިހަ ދެ ލާރި) އެވެ.

އިސްލާމީ ކަންތައްތަކާ ބެހޭ ވުޒާރާއިން ވިދާޅުވީ މި މިސްކިތަކީ 300 މީހުންގެ ޖާގައިގެ މިސްކިތެއް ކަމަށެވެ. އަދި ފިރިހެނުންނާއި އަންހެނުންނަށްވެސް ނަމާދުކުރެވޭގޮތަށް ބިނާކުރާ މި މިސްކިތަކީ ޒަމާނީ ފެންވަރަށް ތަރައްޤީކުރާ މިސްކިތެއް ކަމަށް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއެވެ.