އެއިޓީން ތަރޓީ ވިމެންސް ފުޓްސަލް ފިއެސްޓާގެ ފައިނަލުން ކްލަބް އިމިގްރޭޝަނާ ޓީމް ފެނަކަ ޖާގަ ހޯދައިފިއެވެ.
ކްލަބް އިމިގްރޭޝަން ފައިނަލުން ޖާގަ ހޯދީ ސެމީފައިނަލްގައި ފަސޭހަކަމާއެކު ޕޮލިސް ކްލަބް ބަލިކޮށްގެންނެވެ. މިމެޗް އިމިގްރޭޝަން ކާމިޔާބުކުރީ އަށްލަނޑު އެއްލަނޑުންނެވެ.
ޓީމް ފެނަކަ ފައިނަލުން ޖާގަ ހޯދީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑާ ވާދަކޮށް ތިންލަނޑު އެއްލަނޑުން މެޗް ކާމިޔާބުކޮށްގެންނެވެ. މިމުބާރާތުގެ ފައިނަލް މެޗް ކުޅެން ހަމަޖެހިފައިވަނީ މިމަހުގެ 24 ވަނަ ދުވަހުގެ ރޭއެވެ.
ކްލަބް މޯލްޑިވްސް ކަޕް ފިރިހެން ޑިވިޝަން ސެމީފައިނަލް މެޗްތަށް ކުޅޭނީ މިމަހުގެ 21 ވަނަ ދުވަހުގުރޭއެވެ. ސެމީފައިނަލްގައި ކްލަބް އެމްއާރުޑީސީ ނިކުންނާނީ ޓީމް ފެނަކައާ ދެކޮޅަށެވެ. ދެވަނަ ސެމީފައިނަލްގައި މޯލްޑިވިއަން ނިކުންނާނީ ޔުނައިޓެޑް ބީއެމްއެލްއާ ދެކޮޅަށެވެ.