މޯލްޑިވްސް އިސްލާމިކް ބޭންކް އެމް.އައި.ބީގެ ގޮތްޕެއް ހުޅުމާލޭގައި މިއަދު ހުޅުވައިފިއެވެ.
އެމް.އައި.ބީގެ ހުޅުމާލެ ގޮފި ހުޅުވާފައިވަނީ، ހުޅުމާލޭގައި ހުޅުވުމަށް ހަމަޖެހިފައިވާ ޝޮޕިންގް މޯލް 'ސެންޓްރޯ' ގައި ކަމަށް އެ ބޭންކުން ބުނެއެވެ. މިއަދު ހުޅުމާލޭގައި ހުޅުވި އެމް.އައި.ބީގެ ގޮފިން އެބެންކުން މިހާރު ދެމުންދާ ގިނަ ޚިދުމަތްތަކެއް ލިބޭނެކަމަށް އެބެންކުން މައުލޫމާތުދެއެވެ. މިގޮތުން ޑިޕޮސިޓް އަދި އިންވެސްޓްމަންޓް އެކައުންޓް ހުޅުވުމާއި، ބިޒްނަސް ފައިނޭސިންގްއާއި ކޮންޒިއުމާ ފައިނޭންސިންގްއާއި ޓްރޭޑް ފައިނޭންސްގެ އިތުރުން ވިޔަފާރިތަކަށް ދޭ ގިނަ ޚިދުމަތްތައް ދޭނެކަމަށް އެބެންކުން މައުލޫމާތުދެއެވެ.
ހުޅުމާލޭގައި ހުޅުވި އެމް.އައި.ބީގެ މިގޮތްޕަކީ، އެ ބޭންކުން ހުޅުވި ހަތަރު ވަނަ ގޮތްޕެވެ. ހުޅުމާލޭގެ އިތުރުން މާލެއާ، އައްޑޫ ސިޓީއާ ގދ. ތިނަދޫގައި އެ ބޭންކުގެ ގޮފިތައް ހުރެއެވެ. މިއަހަރުގެ މެދު ތެރޭގައި ހދ. ކުޅުދުއްފުށީގައި ވެސް އެމްއައިބީގެ ގޮތްޕެއް ހުޅުވުމަށް މަސައްކަތް ކުރަމުންދާކަމަށްވެސް އެމްއައިބީއިން ބުނެއެވެ.