އެކިއެކި މައްސަލަތަކުގައި 2008 ވަނަ އަހަރު މޯލްޑިވްސް ޕޮލިސް ސަރވިސްގެ ބެލުމުގެ ދަށަށް ގެންދިޔަ މަސްތުވާތަކެތީގެ ތެރެއިން ޝަރުޢީ މަރުޙަލާއަކަށް ނުދާ 74 މައްސަލައެއްގައި ހިމެނޭ މަސްތުވާތަކެއްޗާއި އެ ތަކެއްޗާއެކު ގެނެވުނު ބައެއް އާލާތްތައް ނައްތާލައްވައިފިއެވެ. img:http://s1.psmnews.mv/images/660x400/14632468412497.jpg|މަސްތުވާތަކެތި ނައްތާލުން - ފޮޓޯ: ޕޮލިސް
މަސްތުވާތަކެތީގެ ޤާނޫނާއި އެއްގޮތަށް ޕްރޮސެކިއުޓަރ ޖެނެރަލްގެ ބެއްލެވުމުގެ ދަށުން އެކުލަވާލާފައިވާ ކޮމިޓީގެ ފަރާތުން މިއަދު ދޫނިދޫގައި ނައްތާލި ތަކެތީގެ ތެރޭގައި 132 ހެކި ހިމެނޭކަމަށް ފުލުހުން ވިދާޅުވެއެވެ. މިތަކެތި ނައްތާލުމަށްފަހު ނޫސްވެރިންނަށް މައުލޫމާތު ދެއްވަމުން، މޯލްޑިވްސް ޕޮލިސް ސާވިސްގެ ފަރާތުން ކޮމިޓީގައި ހިމެނިވަޑައިގަންނަވާ ސުޕްރިންޓެންޑެންޓް އޮފް ޕޮލިސް މޫސާ ޢަލީ ވިދާޅުވީ، މިއަދު ނައްތާލެވުނު ތަކެއްޗަކީ ހަމައެކަނި 2008 ވަނަ އަހަރު ފުލުހުންގެ ބެލުމުގެ ދަށަށް ގެނެވުނު މަސްތުވާތަކެތީގެ ތެރެއިން އެއްވެސް ޝަރުޢީ މަރުޙަލާއަކަށް ނުދާ، ތުހުމަތު ކުރެވޭ އެއްވެސް ފަރާތެއް ނެތް މައްސަލަތަކުގައި ފުލުހުންގެ ބެލުމުގެ ދަށުގައި ހުރި ތަކެތި ކަމަށާއި، މުއްދަތުން ފެށިގެން މިހާތަނަށް މަސްތުވާތަކެތީގެ ހިކި ބާވަތްތައް ނައްތާ ނުލެވި ހުރުމުން ގިނަ އަދަދެއްގެ މަސްތުވާތަކެތި ނައްތާލަން ހުރި ކަމަށާއި އެތަކެތި ނައްތާލަން ވާންޖެހޭ ތައްޔާރީތައް ވަމުން އަންނަކަމަށް އޭނާ ވިދާޅުވިއެވެ. img:http://s2.psmnews.mv/images/660x400/14632468658242.jpg|މަސްތުވާތަކެތި ނައްތާލުން - ފޮޓޯ: ޕޮލިސް
މިއަދު ނައްތާލެއްވި ތަކެތި ނައްތާލެއްވީ، ނޫސްވެރިންނާއި މަސްތުވާތަކެތި ނައްތާލުމަށް އެކުލަވާލާފައިވާ ކޮމިޓީގެ 3 މެމްބަރުންގެ ހާޒިރުގައެވެ.