މޫސުން ގޯސްވުމުގެ ސަބަބުން މާލޭގައި ބަސް ދަތުރުތައް މެދުކަނޑާލައިފި

ބޯކޮށް ވާރޭވެހި ފެން ބޮޑުވުމުގެ ސަބަބުން މާލޭގައި ފޯރުކޮށްދޭ ބަހުގެ ޚިދުމަތް މެދުކަނޑާލައިފިއެވެ.

މާލެ ސަރަޙައްދުގަ ބަހުގެ ޚިދުމަތްދޭ އެމްޓީސީސީން ނެރުނު އިޢުލާނެއްގައިވަނީ ހުޅަނގު މޫސުމުގެ ވިއްސާރައިގެ ސަބަބުން މާލޭގެ މަގުތަކުގައި ވަރަށް ބޮޑަށް ފެންބޮޑުވެފައިވާތީއާ އައިޖީއެމްއެޗް އަދި ރަސްފަންނާއި ވެސްޓްޕާކް ސަރަހައްދު މިވަގުތު ބަންދުކޮށްފައިވާތީ އާރުޓީއެލް ބަހުގެ ޚިދުމަތް ވަގުތީގޮތުން ހުއްޓާލާފައިވާ ކަމަށެވެ.

ބަސް ދަތުރުކުރާ މަގުތަކުގެ ތެރެއިން ރޫޓު 10، 11، 1، 3 އަދި 7 ހުއްޓާ އެންމެ ފަހު ސްޓޮޕަކީ މާފަންނު ބަސް ޓާމިނަލް ކަމަށާއި، އެއަށްފަހު ބަސްތައް ދަތުރުނުކުރާނެކަން އެމްޓީސީސީން ވަނީ ހާމަކުރައްވާފައެވެ.

އަދި އިތުރު މަޢުލޫމާތު ހޯދުމަށް ކުންފުނީގެ ހޮޓްލައިން 1650 އަށް ގުޅުމުން މަޢުލޫމާތު ލިބޭނެކަމަށް އެމްޓީސީސީން ބުނެއެވެ.