ޕާކިސްތާނުގެ 78 ވަނަ މިނިވަން ދުވަހުގެ ތަހުނިޔާ ރައީސް ފޮނުއްވައިފި

ޕާކިސްތާނުގެ 78 މިނިވަން ދުވަހުގެ ތަހުނިޔާ ރައީސުލްޖުމުހޫރިއްޔާ ޑރ. މުޙައްމަދު މުޢިއްޒު ފޮނުއްވައިފިއެވެ.

ޕާކިސްތާނުގެ މިނިވަން ދުވަހުގެ މުނާސަބަތުގައި، ރައީސުލްޖުމުހޫރިއްޔާ ޑރ. މުޙައްމަދު މުޢިއްޒު ފޮނުެއްވެވި ތަހުނިޔާގެ މެސެޖުގައި ވަނީ، އެޤައުމުގެ ރައީސް ޢަލީ ޒަރުދާރީއަށާއި، ބޮޑުވަޒީރު ޝަހްބާޒް ޝަރީފަށާއި، ޕާކިސްތާނުގެ އެންމެހާ ރައްޔިތުންނަށް ދުވަހުގެ ހެޔޮ އެދުންތައް އަރިސްކުރައްވާފައެވެ.

އަދި ޕާކިސްތާނުގެ އަމާންކަމާއި، ފާގަތިކަމާއި، އެއްބައިވަންތަކަމަށް ރައީސުލްޖުމްހޫރިއްޔާ އެދިވަޑައިގެންނެވިއެވެ. ރައީސުލްޖުމުހޫރިއްޔާ ޑރ. މުހައްމަދު މުޢިއްޒު ވިދާޅުވީ ދިވެހިރާއްޖެއާއި ޕާކިސްތާނާ ދެމެދު އޮތް ގާތް ގުޅުން ކުރިއަށް އޮތް އަހަރުތަކުގައިވެސް ދެމިގެންދާނެކަމުގެ ޔަޤީންކަން އެބައޮތްކަމަށެވެ.

On the joyous occasion of the Independence Day of 🇵🇰, I extend our warmest greetings and best wishes to President HE Ali Zardari @PresOfPakistan, Prime Minister HE Shehbaz Sharif @PakPMO, and to our brothers and sisters in Pakistan. May your nation continue to flourish in peace,… pic.twitter.com/0DFDDP1oYk

— Dr Mohamed Muizzu (@MMuizzu) August 14, 2024

ޕާކިސްތާނުގެ މިނިވަންދުވަހުގެ ތަހުނިޔާ ރައީސުލްޖުމްހޫރިއްޔާގެ ނައިބް އަލްއުސްތާޒް ހުސެއިން މުހައްމަދު ލަތީފްވެސް ވަނީ ފޮނުއްވާފައެވެ. އެމަނިކުފާނުގެ މެސެޖުގައި ދެ ޤައުމުގެ ދެމެދުގައިވާ ދެމެހެއްޓެނިވި ރަޙްމަތްތެރިކަމާއި އެއްބާރުލުން މުސްތަޤްބަލުގައި ކުރިއަރައި ދިއުން އެދޭކަމަށް ވިދާޅުވިއެވެ. އަދި ޕާކިސްތާނަށް އިތުރު ބާރުވެރިކަމާއި، އެއްބައިވަންތަކަމާއި، ފާގަތިކަން ލިބެމުން ދިއުމަށް އެދި ދުޢާ ކުރައްވާކަމަށްވެސް ރައީސުލްޖުމްހޫރިއްޔާގެ ނައިބު ވިދާޅުވިއެވެ.

🇲🇻🇵🇰
Warmest congratulations to the people of the Islamic Republic of Pakistan on the occasion of their 77th Independence Day. May the enduring friendship and cooperation between our nations continue to flourish. Wishing Pakistan continued strength, and unity and prosperity. pic.twitter.com/YvU2CSesIt

— Hussain Mohamed Latheef (@HucenSembe) August 14, 2024

ޕާކިސްތާނުގެ މިނިވަން ދުވަހަކީ ކޮންމެ އަހަރެއްގެ އޯގަސްޓް މަހުގެ 14 ވަނަ ދުވަހެއެވެ. މި ދުވަހަކީ 1947 ވަނަ އަހަރުގެ އޯގަސްޓް މަހު ބްރިޓިޝް ރާޖް ނިމުމަކަށް އައިސް، ޕާކިސްތާނަށް މިނިވަންކަން ލިބި، މިނިވަން ދައުލަތެއްގެ ގޮތުގައި އިޢުލާނުކުރެވުނު ދުވަސް ފާހަގަކުރާ ދުވަހެވެ.