އެމްޕޮކްސްގެ ކޭސްއެއް ރާއްޖެއިން ނުފެނޭ ފަތުރަނީ ދޮގު ޚަބަރެއް: ވަޒީރު ޑރ.ޚަލީލު
-
ދޮގު ޚަބަރު ފަތުރާތީ މިމައްސަލަ މޯލްޑިވްސް މީޑިއާ ކައުންސިލަށް ހުށައަޅަންވަނީ ނިންމާފައި
-
ޓެސްޓުކޮށް މީހުން އެކަހެރިކުރަންޖެހޭ ހާލަތަކަށް ރާއްޖޭންވަނީ ތައްޔާރުވެފައި
ރާއްޖޭން މިހާތަނަށް އެމްޕޮކްސްގެ ކޭސްއެއް ފެނިފައި ނުވާކަމަށް ސިއްޙަތާ ބެހޭ ވަޒީރު ޑރ.ޢަބްދުﷲ ޚަލީލް ވިދާޅުވެއްޖެއެވެ.
ވަޒީރު މިހެން ވިދާޅުވެފައިވަނީ އެމްޕޮކްސްގެ ކޭސްތަކެއް ރާއްޖޭން ފެނިފައިވާކަމަށް ބުނެ އޮންލައިން ނޫހަކުން ލިޔުނު ރިޕޯޓަކާއި ގުޅިގެންނެވެ.
ސިއްޙަތާ ބެހޭ ވަޒީރު ޑރ.ޢަބްދުﷲ ޚަލީލް ވިދާޅުވީ ސިއްޙަތާއި ގުޅުންހުރި މިފަދަ ނާޒުކު ކަމެއްގައި ރައްޔިތުންގެ ހިތުގައި ނުތަނަވަސްކަމާއި ބިރުވެރިކަން އުފެދޭގޮތަށް ޚަބަރު ފަތުރާފައިވާތީ މިމައްސަލަ މޯލްޑިވްސް މީޑިއާ ކައުންސިލަށް ހުށައަޅުއްވާނެކަމަށެވެ.
Hukuru dhuvahakee hafthaage emme mai dhuvas. Heyo kan kamah govaalaa amaluthah ginakuran naseyhai libigannanvee dhuvas.
— Abdulla Khaleel (@abkhaleel) September 13, 2024
Mi mai dhuvahugai ves mi noohun mi fathuran dhimaakuree rayyithunge medhugai nuthanaskan fathuran 𝐑𝐨𝐚 𝐁𝐮𝐡𝐮𝐭𝐡𝐚𝐚𝐧𝐮 𝐃𝐡𝐨𝐠𝐮.
Mi massala Maldives… pic.twitter.com/ZKEANZBxMe
ވަޒީރު ވިދާޅުވީ އެމްޕޮކްސްގެ ކޭސްއެއް މިހާތަނަށް ރާއްޖޭން ފެނިފައިނުވާކަމަށެވެ.
އެމްޕޮކްސްއާ ދެކޮޅަށް ރައްކާތެރިވުމުގެ ގޮތުން އަޅަންޖެހޭ ފިޔަވަޅުތައް ރާއްޖޭން ދުރަލާ އަޅަމުން އަންނަކަން ވަޒީރު ފާހަގަކުރެއްވިއެވެ. އަދި ރައީސުލްޖުމްހޫރިއްޔާގެ އިރުޝާދާއެކު ރާއްޖޭގައި އެމްޕޮކްސްއަށް ޓެސްޓުކުރެވޭނެ އިންތިޒާމު ދުނިޔޭގެ ސިއްޙަތު ޖަމްޢިއްޔާއާއި ގުޅިގެން ހަމަޖައްސާފައިވާކަމަށްވެސް ވިދާޅުވިއެވެ.
އެމްޕޮކްސްގެ ނުރައްކަލާއެކު ދުނިޔޭގެ ޞިއްހަތު ޖަމްޢިއްޔާއިން ޕަބްލިކް ހެލްތު އިމަރޖެންސީ ޢިއުލާންކުރުމާއެކު ރާއްޖެއިންވެސްވަނީ ބައްޔާއި ދެކޮޅަށް ދުރާލާ ތައްޔާރުވާން ފަށާފައެވެ. އެގޮތުން ބަލީގެ ކޭސްއެއް ރާއްޖެއިން ފެނިއްޖެ ހާލަތެއްގައި ޢަމަލުކުރާނެ ގޮތްތައް ވަނީ ކަނޑައަޅާފައެވެ. އަދި ބައްޔާއި ގުޅޭގޮތުން ޞިއްހީ ޚިދުމަތްތެރިންނާއި ޢާއްމުންގެ އިތުރުން ރާއްޖޭގައި ތިބި އެކި ޤައުމުތަކަށް ނިސްބަތްވާ ބިދޭސީން ހޭލުންތެރިކުރުވުމުގެ މަސައްކަތް ހެލްތު ޕްރޮޓެކްޝަން އޭޖެންސީ، އެޗްޕީއޭންވަނީ ފައްޓަވާފައެވެ.
އެމްޕޮކްސް މިވަގުތު އެންޑެމިކް ލެވެލްގައި ފެތުރެމުންދަނީ އެފްރިކާގެ ޤައުމުތަކުގައެވެ. އެޤައުމުތަކުގައި ބަލި ޖެހުމުގެ އެކި ޒަރިއްޔާތައް ހުރިއިރު އެފްރިކާއިން ބޭރުގެ ޤައުމުތަކުގައި މިބަލި ފެތުރުމުގެ މައިގަނޑު ސަބަބެއްގެ ގޮތުގައި ފާހަގަކުރެވިފައިވަނީ ރައްކާތެރި ނޫންގޮތުގައި ޖިންސީ ގުޅުން ހިންގުމުގެ ކަމަށް ޑަބްލިއުއެޗްއޯއިން ބުނެއެވެ. ދިވެހިން އާއްމުކޮށް ގޮސްއުޅޭ ބައެއް ޤައުމުތަކުންވެސް އެމްޕޮކްސް ފެނިފައިވާތީ ދަތުރުކުރުމުގައި އާއްމު ސާފުތާހިރުކަމަށް ސަމާލުވުމަށް ސިއްޙަތާ ބެހޭ ވުޒާރާއިންވަނީ އިލްތިމާސްކުރައްވާފައެވެ.