އިންޝުއަރެންސްގެ ޚިދުމަތުގެ ވިޔަފާރިކުރުމުގެ ހުއްދަ ދިވެހި އިތުރު ކުންފުންޏަކަށް މަރުކަޒީ ބޭންކް، އެމްއެމްއޭ އިން ދެއްވައިފިއެވެ.
މޯލްޑިވްސް މަނިޓަރީ އޮތޯރިޓީއިން ވިދާޅުވީއިންޝްއަރެންސްގެ ޚިދުމަތް ދިނުމުގެ ހުއްދަ ދީފައި ވަނީ ސައްތައިންސައްތަ ދިވެހިންޙިއްސާވާ ދިވެހި އިންޝްއަރެންސް ކޮމްޕެނީ ޕްރައިވެޓް ލިމިޓެޑަށް ކަމަށެވެ. އަދި އެކުންފުނިން ކުރިއަށް އޮތް 6 މަސް ދުވަހުގެ ތެރޭގައި އެ ޚިދުމަތް ދޭން ފަށަންޖެހޭނެކަމަށް ވެސް މަރުކަޒީ ބޭންކުން ވިދާޅުވެއެވެ.
އެމްއެމްއޭއިން ވިދާޅުވީ އިތުރު ކުންފުންޏަކަށް އިންޝްއަރެންސްގެ ޚިދުމަތް ދިނުުމުގެ ހުއްދަ ދޫކުރަން އެމްއެމްއޭއިން ނިންމެވީ، އެ ވިޔަފާރީގެވާދަވެރިކަން އިތުރުކޮށް ޢާއްމުންނަށާއި ވިޔަފާރިވެރިންނަށް ބޭނުންވާއިންޝްއަރެންސް އެކަށީގެންވާ ގޮތެއްގައި ފޯރުކޮށް ދިނުމަށް މަގުފަހި ކުރުމުގެގޮތުންކަމުގައެވެ. އަދި އިތުރު އިންޝުއަރެންސް ކުންފުނިތަކަށް ފުރުޞަތު ދިނުމުގެސަބަބުން އެ ވިޔަފާރި ފުޅާވެ ތަރައްޤީ ވެގެން އަންނާނެ ކަމަށް އުންމީދު ކުރައްވާ ކަމަށްވެސް އެމްއެމްއޭއިން ވިދާޅުވެއެވެ.