ޚަބަރު
ތުރުކީވިލާތުގެ ޖުމުހޫރީ ދުވަހުގެ ތަހުނިޔާ ރައީސުލްޖުމްހޫރިއްޔާ އެޤައުމުގެ ރައީސަށް ފޮނުއްވައިފި
-
ރައީސްގެ މެސެޖްގައި ދެ ޤައުމު ދެމެދު އޮތް ގުޅުމުގެ މައްޗަށް އަލިއަޅުއްވާލެއްވި
ރައީސުލްޖުމްހޫރިއްޔާ ތުރުކީއަށް ކުރެއްވި ދަތުރުފުޅުގެ ތެރެއިން އެ ގައުމުގެ ރައީސް ރަޖަބް ތައްޔިބް އުރްދުޣާންއާ ބައްދަލުކުރައްވަނީ / ފައިލް ފޮޓޯ؛ ރައީސް އޮފީސް
ތުރުކީގެ 101 ވަނަ ޖުމުހޫރީ ދުވަހުގެ ތަހުނިޔާ އެ ޤައުމުގެ ރައީސް ރަޖަބް ޠައްޔިބު އުރްދުޣާނަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ފޮނުއްވައިފިއެވެ.
ތުރުކީވިލާތުގެ ރައީސަށް ރައީސުލްޖުމްހޫރިއްޔާ ފޮނުއްވެވި ތަހުނިޔާ މެސެޖުގައި ދެ ޤައުމު ދެމެދު އޮތް 45 އަހަރުވީ ވަރުގަދަ ގުޅުމަކީ އެކުވެރިކަމާއި އިތުބާރުގެ މައްޗަށް ބިނާވެފައި އޮތް ގުޅުމެއްކަމަށް ރައީސުލްޖުމްހޫރިއްޔާ ވިދާޅުވިއެވެ. އަދި ދެ ޤައުމު ގުޅުން އިތުރަށް ބަދަހިވެ ބައިނަލްއަޤްވާމީ ފެންވަރުގައި ގުޅިގެން މަސައްކަތް ކުރެވޭނެކަން ޔަޤީން ކުރައްވާކަމަށް ވިދާޅުވިއެވެ.
ރައީސްގެ މެސެޖް ނިންމަވާލައްވަމުން ތުރުކީގެ ރައީސަށް ދުޅަހެޔޮ ސިއްހަތެއް މިންވަރު ކުރެއްވުމަށާއި ތުރުކީގެ ރައްޔިތުންނަށް ބާއްޖަވެރިކަމަށް އެދިވަޑައިގެންނެވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ