ކޮރަޕްޝަނަށް އެއްވެސް ފުރުސަތެއް ސަރުކާރުން ނުދެއްވާނެ: ވަޒީރުން

ކޮރަޕްޝަނަށް އެއްވެސް ފުރުސަތެއް ސަރުކާރުން ނުދެއްވާނެކަމުގެ ފުރިހަމަ ޔަޤީންކަން އެބައޮތްކަމަށް ދައުލަތުގެ ބައެއް ވަޒީރުން ވިދާޅުވެއްޖެެއެވެ. ވަޒީރުން މިހެން ވިދާޅުވެފައި ވަނީ ބިންވެރިޔާ ސްކީމްގެ ދަށުން ގޯތި ނުލިބޭ ބަޔަކަށް އެޗްޑީސީއިން ގޯތިތަކެއް ދީފައިވާކަމަށް ތުހުމަތުކުރެވޭ މައްސަލާގައި އެކުންފުނީގެ އިސްވެރިންތަކެއް ސަސްޕެންޑްކުރުމާއި ގުޅިގެންނެވެ.

ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާއި ބެހޭ ވަޒީރު އާދަމް ޝަރީފް ޢުމަރު ވިދާޅުވީ ކޮރަޕްޝަނަށް އެއްވެސް ފުރުސަތެއް ސަރުކާރުން ނުދެއްވާނެކަން ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ނިންމެވުންތަކުން ސާފުވާކަމަށެވެ.

އެގޮތުން ރައްޔިތުންގެ ހައްޤަކަށް އުނިކަމެއް ލިބޭނެ އެއްވެސް ކަމެއް ރައީސްއަށް އެގިވަޑައިގެން ހިނގިޔަނުދެއްވާނެކަމަށް ވަޒީރު ވިދާޅުވިއެވެ. ރާއްޖެއިން ކޮރަޕްޝަން މަދުކުރެވޭނީ ކޮރަޕްޝަނަށް މަގުފަހިވާ ކޮންމެ ކަމަކަށް ހުރިހާ މުއައްސަސާތަކުންނާއި އާންމު ރައްޔިތުންވެސް ނޫނެކޭ ބުނެގެންކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާއި ބެހޭ ވަޒީރު އާދަމް ޝަރީފް އުމަރު ވިދާޅުވިއެވެ.

Corruption ah evves furusatheh RJ @MMuizzu ge sarukaarun nudhevvaanekan Raees ge nimmevunthakun saafuvey. Rayyithunge haqqakah unikameh libeyne evves kameh RJ Dr Muizzah engivadaigen hingiyanudhevvaane. E yaqeenkan eba oiy.
Raajje in corruption madhukureveynee, corruption ah…

— Adam Shareef Umar (@Adamshareefz) December 19, 2024

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވީ ކޮރަޕްޝަނާ ދެކޮޅަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ހަރުދަނާ ފިޔަވަޅުތަކެއް އަޅުއްވާނެކަމުގެ ފުރިހަމަ ޔަގީންކަން އެބައޮތްކަމަށެވެ. އަދި ޤައުމަށް އުޖާލާ މުސްތަޤުބަލެއް ގެނެވޭނީ ކޮރަޕްޝަން ނައްތާލައިގެން ކަމަށާއި ކޮރަޕްޝަނާ ދެކޮޅަށް ރައީސް އަޅުއްވަމުންގެންދަވާ ކޮންމެ ފިޔަވަޅަކަށް ފުރިހަމައަށް ތާއިދުކުރައްވާނެކަމަށް ވަޒީރު ވިދާޅުވިއެވެ.

ކޮރަޕްޝަންއާ ދެކޮޅަށް ރައީސް ޑރ @MMuizzu ގެ ސަރުކާރުން ހަރުދަނާ ފިޔަވަޅުތަކެއް އަޅުއްވާނެކަމުގެ ފުރިހަމަ ޔަގީންކަން އެބައޮތް.ޤައުމަށް އުޖާލާ މުސްތަޤުބަލެއް ގެނެވޭނީ ކޮރަޕްޝަން ނައްތާލައިގެން. ކޮރަޕްޝަނާ ދެކޮޅަށް ރައީސް އަޅުއްވަމުންގެންދަވާ ކޮންމެ ފިޔަވަޅަކަށް ފުރިހަމައަށް ތާއިދު

— Mohamed Shaheem Ali Saeed (@Mohamedshaheem1) December 19, 2024

ދައުލަތުގެ އިދާރާތަކުގައި ކޮރަޕްޝަނަށް މަގުފަހިވެފައިވާ ކަންކަން އިސްލާހުކޮށް އެކަންކަން ހައްލުކުރުމަށް ހުރި ހުރަސްތައް ނައްތާލައްވާނެކަމަށް މީގެކުރިންވެސް ރައީސުލްޖުމްހޫރިއްޔާ ވަނީ ވިދާޅުވެފައެވެ. ރައީސް ވަނީ އެމަނިކުފާނު އަދުލުވެރިވެވަޑައިގަންނަވާނެ ކަމަށާއި ވައްކަމާއި ކޮރަޕްޝަނަށް ހަރުއަޑުން ނޫނެކޭ ވިދާޅުވެފައެވެ.