ޚަބަރު
އައިޖީއެމްއެޗް ކައިރިން މީހަކަށް ހަމަލާދިން މައްސަލަ ބަލަނީ
-
އަނިޔާވެފައި ވަނީ ދިވެހި ފިރިހެނަކަށް
-
އަނިޔާވި މީހާއަށް އައިޖީއެމްއެޗްގައި ދަނީ ފަރުވާ ދެމުން
-
ހަމަލާދީފައިވަނީ ސައިކަލެއްގައި އައި 2 މީހުން
-
މި މައްސަލަ ފުލުހުންނަށް ރިޕޯޓްކޮށްފައިވަނީ މިރޭ 08:41 ހާއިރު
އައިޖީއެމްއެޗް ކައިރީގައި ތޫނު އެއްޗަކުން މީހަކަށް ހަމަލާދިން ސަރަހައްދުގައި ފުލުހުން ހަރަކާތްތެރިވަނިކޮށް / ފޮޓޯ: އެމްވީ ކްރައިސިސް
އައިޖީއެމްއެޗް ކައިރީގައި މަރުތޭލަކުން މީހަކަށް ހަމަލާދީ ޒަޙަމްކޮށްލައިފިއެވެ.
ފުލުހުން ވިދާޅުވީ، މާލޭ ކަނބާއައިސާ ރަނިހިނގުން އައިޖީއެމްއެޗް ކައިރީ ހުރި މީހަކަށް ސައިކަލެއްގައި އައި 2 މީހަކު ހަމަލާދީ މާރާމާރީ ހިންގި މައްސަލައެއް މިރޭ 08:41 ހާއިރު ފުލުހުންނަށް ރިޕޯޓްކޮށްފައިވާކަމަށެވެ.
ފުލުހުން ވިދާޅުވީ މި ހަމަލާގައި އަނިޔާވެފައިވަނީ ދިވެހި ފިރިހެނަކަށް ކަމަށާއި އޭނާއަށް އައިޖީއެމްއެޗުގައި ފަރުވާ ދެމުންދާކަމަށެވެ. ނަމަވެސް މި މައްސަލައިގެ އިތުރު ތަފްޞީލެއް ފުލުހުން އަދި ދެއްވާފައެއްނުވެއެވެ.
މި މައްސަލަ އިތުރަށް ތަޙުޤީޤު ކުރަމުންދާކަމަށް ފުލުހުން ވަނީ ވިދާޅުވެފައެވެ.