ޤައުމުގެ ކުރިއެރުމަށް ދިވެހި ޑޮކްޓަރުންގެ ޚިދުމަތް މުހިންމު: ވަޒީރު ނާޡިމް

ދިވެހި ޑޮކްޓަރުންގެ ޚިދުމަތް ޤައުމުގެ ކުރިއެރުމަށް ވަރަށް މުހިންމުކަމަށް ޞިއްޙީ ވަޒީރު ޢަބްދުﷲ ނާޡިމް އިބްރާހީމް ވިދާޅުވެއްޖެއެވެ.

ވަޒީރު މިހެން ވިދާޅުވީ ދިވެހި ޑޮކްޓަރުންގެ ދުވަހުގެ މުނާސަބަތުގައި ސޯޝަލް މީޑިޔާގައި ހިއްސާކުރެއްވި ޕޯސްޓުގައެވެ.

ޞިއްޙީ ވަޒީރު ޢަބްދުﷲ ނާޡިމް އިބްރާހިމް ވިދާޅުވީ ޑޮކްޓަރުންގެ ދުވަހަކީ ޞިއްހީ ދާއިރާގެ ކުރިއެރުމަށް މާޒީއާއި މިހާރުގެ ޑޮކްޓަރުންކުރައްވާ މަސައްކަތް އަގުވަޒަންކުރުމުގެ ދުވަހެއް ކަމަށެވެ. އަދި މިހާރު ޒަމާނީ ވަޞީލަތްތަކާއި ޒަމާނީ ކުރިއެރުންތަކާއެކު ޑޮކްޓަރުން ޚިދުމަތްކުރައްވާއިރު، އެއީޤައުމުގެ ކުރިއެރުމަށް މުހިންމު ޚިދުމަތެއްކަމަށް ވަޒީރު ވިދާޅުވިއެވެ.

ވަޒީރު ވަނީ ޑޮކްޓަރުންކުރައްވާ ޤައުމީ ބުރަ ޚިދުމަތަށް ޝުކުރުދަންނަވާފައެވެ.

On #NationalDoctorsDay, we recognise the vital role Maldivian doctors have played over the years in shaping and strengthening our health system. @ANazim2019 pic.twitter.com/svEcw0hXYv

— Ministry of Health (@MoHmv) April 18, 2025

ކޮންމެ އަހަރަކުވެސް ޑޮކްޓަރުންގެ ދުވަސް ފާހަގަކުރަނީ އެޕްރީލް މަހުގެ 18 ވަނަ ދުވަހުއެވެ.

ޑޮކްޓަރުންނަށް ދިމާވާ އެކިއެކި ދަތިތައް ހައްލުކޮށްދިނުމަށް ސަރުކާރުން ދަނީ ގިނަ މަސައްކަތްތަކެއް ކުރައްވަމުންނެވެ. އެ ގޮތުން އެކި ސަރޖަރީތައް ކުރުމަށާއި ޞިއްޙީ ޚިދުމަތުގެ ފެންވަރު ރަނގަޅުކުރުމަށް ބޭނުންވާ ވަޞީލަތްތައް ހޯދުމުގެ މަސައްކަތް ސަރުކާރުން ދަނީ ކުރައްވަމުންނެވެ. އަދި ދިވެހި ޑޮކްޓަރުން ތަމްރީންކުރެއްވުމަށްވެސް ސަރުކާރުން ޚާއްސަ އިސްކަމެއްދެއްވައެެވެ.