ގެއްލިގެން ހޯދަމުންދިޔަ 15 އަހަރުގެ ކުއްޖާވަނީ ފެނިފައި، ހާލު ރަނގަޅު

ހުޅުމާލެ ފޭސް ދޭކުން ގެއްލިިގެން ހޯދަމުން ދިޔަ އުމުރުން 15 އަހަރުގެ ކުއްޖާ ފެނިފައިވާ ކަމަށް ފުލުހުން ޚިދުމަތުން ވިދާޅުވެއްޖެއެވެ.

ފުލުހުންގެ ޚިދުމަތުން ވިދާޅުވީ ހިޔާޓަވަރު 8އިން ސްކޫލަށް ދިޔަ މިކުއްޖާ މިއަދު މެންދުރު 12:18 އެހާކަށްހާއިރު ހުޅުމާލެ ފޭސް އެކަކުން ފެނިފައިވާ ކަމަށާއި އޭނާގެ ހާލު ރަނގަޅުކަމަށެވެ.

މިމައްސަލައާ ގުޅިގެން އިތުރަށް ބަލަންޖެހޭ ކަންކަން ބަލަމުން އަންނަކަމަށްވެސް ފުލުހުންގެ ޚިދުމަތުން ވިދާޅުވެއެވެ.

ހުޅުމާލޭ ފޭސް 2ގެ ސްކޫލަކަށްދިޔަ އުމުރުން 15 އަހަރުގެ މިއަންހެން ކުއްޖާ ގެއްލިގެން އެމައްސަލަ ފުލުހުންނަށް ހުށަހެޅީ މިއަދު ހެނދުނު 8:30ހާއިރުއެވެ. މިމައްސަލަ ހުށަހެޅުމާއެކު ފުލުހުންނާ ތައުލީމީ ވުޒާރާ ގުޅިގެން މިކުއްޖާ ހޯދުމުގެ މަސައްކަތް ފެށިއެވެ.