ޚަބަރު
މައްސަލަ ހައްލުކޮށް، މާލެއާއި ހުޅުމާލެއަށް ކަރަންޓުދީފި
-
މާލެއާއި ހުޅުމާލެއިން ކަރަންޓު ކެނޑުނީ މިއަދު ހެނދުނު 9:30 އެހާ ކަންހާއިރު
ސްޓެލްކޯގެ މައި އޮފީސް
މާލެއާއި ހުޅުމާލޭގެ ހުރިހާ ސަރަހައްދަކަށް ކަރަންޓުދީފިއެވެ.
މާލެއާއި ހުޅުމާލެއިން ކަރަންޓު ކެނޑުނީ މިއަދު ހެނދުނު 9:30 އެހާ ކަންހާއިރުއެވެ.
ޕީއެސްއެމް ނިއުސްއަށް މަޢުލޫމާތު ދެއްވަމުން ސްޓެލްކޯއިން ވިދާޅުވީ މާލެއާއި ހުޅުމާލެއަށް މިހާރު އެއްކޮށް ކަރަންޓު ދެވިފައިވާކަމަށެވެ. އަދި ހުރިހާ ސަރަހައްދަކަށް ކަރަންޓުދިނީ 12:02ގައި ކަމަށް ސްޓެލްކޯއިން ވިދާޅުވިއެވެ.
ސްޓެލްކޯއިން ވިދާޅުވީ މާލެއާއި ހުޅުމާލެއިން ކަރަންޓު ކެނޑުނީ ދިމާވި ޓެކްނިކަލް މައްސަލައަކާ ގުޅިގެން ކަމަށެވެ.
މިދިޔަ ޖޫން މަހުގެ 1 ވަނަ ދުވަހުވެސް މާލެއާއި ހުޅުމާލެއިން ކަރަންޓު ކެނޑުނެވެ.