ދެކުނު އޭޝިއާގެ ޤައުމުތަކުގެ ތެރެއިން އާބާދީގެ ނިސްބަތުން އެންމެ ގިނަ ޢަދަދެއްގެ ބަޔަކު އިންޓަރނެޓް ބޭނުންކުރާ ޤައުމަކީ ރާއްޖެކަމަށް ރިޕޯޓަކުން ދައްކައިފިއެވެ.
އައިސީޓީ ޑިވެލޮޕްމަންޓް އިންޑެކްސްގެ ނަމުގައި އިންޓަރނޭޝަނަލް ޓެލްކޮމިއުނިކޭޝަން ޔޫނިއަނުން ޢާއްމުކޮށްފައިވާ ރިޕޯޓުން ދައްކާގޮތުން ދެކުނު އޭޝިއާގެ އެންމެ ކުޑަ ޤައުމުކަމަށްވާ ދިވެހިރާއްޖޭގެ އާބާދީގެ %54.46 މީހުން އިންޓަރނެޓް ބޭނުންކުރެއެވެ. ދުނިޔޭގެ ޤައުމުތަކުގެ މެދުގައި ރާއްޖެއަށް ލިބިފައިވަނީ 81 ވަނައެވެ. އެއީ ސައުތު ކޮރެޔާއާ އެއްވަރެއްގެ ރޭންކެކެވެ.
img:http://s2.psmnews.mv/images/660x400/14726233173164.jpg|
އައިސީޓީ ޑިވެލޮޕްމަންޓް އިންޑެކްސް ރިޕޯޓުގައިވާ ގޮތުން ދެކެނު އޭޝިއާގެ ޤައުމުތަކުގެ ތެރެއިން އިންޓަރނެޓް ބޭނުންކުރާ މީހުން އާބާދީގެ ނިސްބަތުން އެންމެ މަދު ޤައުމަކީ ބަންގްލަދޭޝެވެ. އެޤައުމުގައި އިންޓަރނެޓް ބޭނުންކުރަނީ %14.40 މީހުންނެވެ.
ސައުތު އޭޝިއާގެ ޤައުމުތަކުގެ ތެރެއިން ދެވަނައަށް އެންމެ ގިނަ އަދަދެއްގެ ބަޔަކު އިންޓަރނެޓް ބޭނުންކުރާ ޤައުމަކީ ބޫޓާނެވެ. ތަފާސް ހިސާބްތައް ދައްކާގޮތުން ދެހާސްވަނަ އަހަރު ރާއްޖޭގައި އިންޓަރނެޓް ބޭނުންކުރަނީ 6000 މީހުންނެވެ. އެހެންނަމަވެސް އެންމެ ފަހުގެ ތަފާސް ހިސާބްތައް ދައްކާގޮތުން ރާއްޖޭގައި 270،000 މީހުން އިންޓަރނެޓް ބޭނުންކުރެއެވެ.