ޚަބަރު
ސިނަމާލެ ބްރިޖުގައި ކާރަކާއި ސައިކަލެއް ޖެހި ހިނގި އެކްސިޑެންޓެއްގައި އަނިޔާވި 2 މީހަކަށް ފަރުވާދެނީ
-
އަނިޔާ ވެފައި ވަނީ ދިވެހި 2 އަންހެނަކަށް
-
އެ ދެމީހުންނަށް ހުޅުމާލޭ ހޮސްޕިޓަލުގައި ދަނީ ފަރުވާދެމުން
ސިނަމާލެ ބްރިޖު---
ސިނަމާލެ ބްރިޖުގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފިއެވެ.
ފުލުހުން ވިދާޅުވީ ހޯމަ ދުވަހުގެ ރޭގަނޑު 10:17 އެހާކަންހާއިރު ސިނަމާލެ ބްރިޖު މާލެއިން ހުޅުމާލެއަށް ދަތުރުކުރާ ފަޅިން ދިޔަ ސައިކަލެއްގައި ފަހަތުން އައި ކާރެއް ޖެހި އެކްސިޑެންޓް ވެފައިވާ މައްސަލަ ފުލުހުންނަށް ރިޕޯޓްކޮށްފައިވާ ކަމަށެވެ.
ފުލުހުން ވިދާޅުވީ މި އެކްސިޑެންޓްގައި ސައިކަލުގައި ތިބި ދިވެހި 2 އަންހެނުންނަށް އަނިޠާވެގެން ހުޅުމާލޭ ހޮސްޕިޓަލުގައި ފަރުވާދެމުން އަންނަކަމަށެވެ. އެ މީހުންނަށް ސީރިއަސް އަނިޔާއެއް ވެފައި ނުވާކަމަށް ފުލުހުން ވިދާޅުވިއެވެ.
ކާރު ދުއްވި މީހާގެ ލައިސެންސް ހިފަހައްޓައި މި މައްސަލަ ތަހުގީގު ކުރަމުން ދާކަމަށް ފުލުހުން ވިދާޅުވިއެެވެ.