ދ. މީދޫގައި ފުލުހުންގެ ވާޖިބަށް ހުރަސްއެޅި މީހަކު ހައްޔަރުކޮށްފި
-
ހައްޔަރުކޮށްފައިވަނީ މީހެއްގެ ފޯނު ފުލުހުންގެ ބެލުމުގެ ދަށަށް ގެންދަން އުޅުމަށް ހުރަސްއެޅުމުން
-
ދެ މައްސަލަވެސް ދަނީ ތަހުގީގުކުރަމުން
ދ. މީދޫގައި ފުލުހުންގެ ވާޖިބަށް ހުރަސްއެޅި މީހަކު ކޯޓު އަމުރެއްގެ ދަށުން ހައްޔަރުކޮށްފިއެވެ.
ދިވެހި ފުލުހުންގެ ޚިދުމަތުން ވިދާޅުވީ، އެމީހާ ހައްޔަރުކުރީ ދ. މީދޫގައި ހިނގި ގެވެށި އަނިޔާގެ މައްސަލައަކާ ގުޅިގެން ފުލުހުން ކުރިއަށް ގެންދިޔަ އޮޕަރޭޝަނެއްގެ ތެރެއިންކަމަށެވެ.
ފުލުހުން މައުލޫމާތު ދެއްވި ގޮތުގައި، މި މީހާ ހައްޔަރުކުރީ ގެވެށި އަނިޔާގެ މައްސަލައަކާ ގުޅިގެން، ކޯޓު އަމުރެއްގެ ދަށުން މީހެއްގެ ފޯނު ފުލުހުންގެ ބެލުމުގެ ދަށަށް ގެންދަން އުޅުމުން، އެކަމަށް ހުރަސްއަޅައި ފުލުހުންގެ ވާޖިބަށް ހުރަސްއެޅުމާ ގުޅިގެންނެވެ. މިކަމާ ޅިގެން މީދޫގެ ބައެއް ރައްޔިތުން ވަނީ އެ ރަށު ޕޮލިސް ސްޓޭޝަން ކައިރިއަށް އެއްވެފައެވެ.
ފުލުހުން ވިދާޅުވީ ގެވެށި އަނިޔާގެ މައްސަލައާއި، ފުލުހުންގެ ވާޖިބަށް ހުރަސްއެޅި މައްސަލަވެސް މިހާރު އިތުރަށް ތަހުގީގު ކުރަމުންދާ ކަމަށެވެ.