ޤައުމީ ވޮލީބޯޅަ ލީގު އަންނަ މަހު 15ގައި

ޤައުމީ ވޮލީބޯޅަ ލީގު އަންނަ މަހުގެ 15 ގައި ފަށަން ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން ނިންމައިފިއެވެ.

ވޮލީބޯލް އެސޯސިއޭޝަން ކަޕުން ގައުމީ ލީގަށް ކޮލިފައިވީ ފަސް ޓީމެވެ. މި ފަހަރުގެ ޤައުމީ މުބާރާތުގެ އަންހެން އަދި ފިރިހެން ޑިވިޝަނުގެ މެޗުތައް ކުރިއަށް ދާނީ އެކުއެކީގައެވެ. އެގޮތުން ފިރިހެން މުބާރާތް އަންނަ މަހުގެ 15 ވަނަ ދުވަހަށް ތާވަލުކޮށްފައިވާއިރު، އަންހެން ޑިވިޝަނުގެ މުބާރާތް އަންނަ މަހުގެ 17 ވަނަ ދުވަހު ފެށުމަށް ވަނީ ތާވަލުކޮށްފައެވެ.

ފިރިހެން ޑިވިޝަނުގައި ފަސް ޓީމު ވާދަކުރި ނަމަވެސް އަންހެން ޑިވިޝަނުގައި ހަ ޓީމު ވާދަކުރާނެއެވެ.

ފިރިހެން ޑިވިޝަނުގައި ވާދަކުރާނީ، ކްލަބް އެޗްޑީސީ، ދިވެހި ސިފައިންގެ ކުލަބް، ޕޮލިސް ކުލަބާއި، މުޅިން އަލަށް ވާދަކުރާ ލަޔަންސް ރެކްރިއޭޝަން ކުލަބާއި، ކުލަބް އެމްޓީސީސީއެވެ. އެމްޓީސީސީ އަކީ އެންމެ ފަހުގެ އެސޯސިއޭޝަން ކަޕުގެ ޗެމްޕިއަން ޓީމެވެ. އެ ޓީމުން އެސޯސިއޭޝަން ކަޕުގެ ޗެމްޕިއަންކަން ހޯދީވެސް މުޅިން އަލަށް އެ މުބާރާތުގައި ވާދަކޮށްގެންނެވެ.

އަންހެން ޑިވިޝަނަށް ބަލާއިރު، އަންހެން ޑިވިޝަނުގައި ވާދަކުރާނެ ޓީމުތަކަކީ ހުރާ ކޮމިއުނިޓީ ކުލަބް، ޖުޑް ގޭމްސް ސްޕޯޓްސް އެކަޑަމީ (ޖީޖީ ސްޕޯޓްސް)، ސިޓީ ފްރެންޑްސް ކުލަބް، ކުލަބް އެމްޓީސީސީ އަދި އެންމެ ފަހުގެ ޗެމްޕިއަން ޕޮލިސް ކުލަބާ ރަނަރަޕް ކުލަބް ވެމްކޯއެވެ.

މި ފަހަރުގެ ލީގުންވެސް އެންމެ ގިނައިން ޕޮއިންޓް ހޯދާ ހަތަރު ޓީމު ގައުމީ މުބާރާތައް ކޮލިފައިވާނެއެވެ.