އާރުބީއައިއާއެކު އިތުރަށް ގުޅުން ބަދަހިކުރުމަށް މަޝްވަރާކޮށްފި

މޯލްޑިވްސް މަނިޓަރީ އޮޓޯރިޓީ، އެމްއެމްއޭގެ ގަވަރުނަރު އަޙްމަދު މުނައްވަރު ރިޒާވް ބޭންކް އޮފް އިންޑިއާގެ ގަވަރުނަރާ ބައްދަލުކުރައްވައިފިއެވެ. މި ބައްދަލުވުން ބާއްވާފައިވަނީ ގަވަރުނަރު މުނައްވަރު އިންޑިއާއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

މޯލްޑިވްސް މަނިޓަރީ އޮތޯރިޓީ (އެމް.އެމް.އޭ) ގެ ގަވަރުނަރު އަހުމަދު މުނައްވަރު، ރިޒަރވް ބޭންކް އޮފް އިންޑިއާ (އާރް.ބީ.އައި) ގެ ގަވަރުނަރު ސަންޖޭ މަލްހޯތުރާއާއި ބައްދަލުކުރެއްވީ އިންޑިއާގެ ވެރިރަށް ދިއްލީގައެވެ. މި ބައްދަލުކުރެއްވުން ބޭއްވީ އާރް.ބީ.އައި އިން އިންތިޒާމުކޮށްގެން މަރުކަޒީ ބޭންކުތަކަށް ހާއްސަކޮށް ބޭއްވި ބައިނަލްއަގުވާމީ ސެމިނާ "ސަމްވާދު 2026" ގެ ހަވާސާގެ ތެރެއިންނެވެ.

މި ބައްދަލުވުމުގައި، 30 ބިލިއަން އިންޑިއަން ރޫޕީސްގެ ކަރަންސީ ސްވޮޕް ފެސިލިޓީގެ ފުރަތަމަ ރޯލްއޯވަރ ހަމަޖައްސައިދެއްވިކަމަށްޓަކައި، ގަވަރުނަރު ވަނީ އާރް.ބީ.އައި އަށް ޝުކުރު އަދާކުރައްވާފައެވެ. މީގެ އިތުރުން، ޔޫ.ޕީ.އައި އާއި ފަވަރަ ގުޅާލުމުގެ މަސައްކަތުގެ އެންމެ ފަހުގެ މައުލޫމާތު ހިއްސާކުރައްވާފައިވެއެވެ.

The Governor of the Maldives Monetary Authority (MMA), Ahmed Munawar, met the Governor of the Reserve Bank of India (RBI), Sanjay Malhotra, in Delhi on 19 October 2026, on the sidelines of Samvad 2026, an international seminar for central banks organised by the RBI.

The Governor expressed appreciation to the RBI for approving the first rollover of the INR 30 billion currency swap facility. He also provided an update on the UPI–Favara integration and discussed further cooperation on the Person-to-Merchant (P2M) connection, which is to be launched by the first half of 2027, enabling seamless payments for tourists and strengthening bilateral trade. The two Governors also discussed opportunities to further strengthen cooperation between the central banks.

Governor Munawar was accompanied by Mariyam Rashfa, Managing Director, Monetary Policy, Economics and Statistics, and Abdulla Nasif, Deputy Manager, Licensing Section, MMA.

— MMA (@MMA_Maldives) October 20, 2026

މި ބައްދަލުވުމުގައި އަންނަ އަހަރުގެ ފުރަތަމަ ހަ މަސްދުވަހުގެ ތެރޭގައި ތައާރަފުކުރުމަށް ހަމަޖެހިފައިވާ 'ޕާސަން-ޓު-މާޗަންޓް' ގުޅުމާ ބެހޭގޮތުން މަޝްވަރާކުރައްވާފައިވާކަމަށް އެމްއެމްއޭއިން ވިދާޅުވިއެވެ. މިއީ ފަތުރުވެރިންނަށް ފަސޭހަކަމާއެކު ފައިސާގެ މުއާމަލާތްތައް ކުރެވޭނެ މަގުފަހިކޮށްދީ، ދެ ގައުމުގެ ދެމެދުގައިވާ ވިޔަފާރީގެ ގުޅުން އިތުރަށް ހަރުދަނާކުރުމަށް ކުރެވޭ މަސައްކަތެކެވެ. އަދި ދެ ގައުމުގެ މަރުކަޒީ ބޭންކުގެ މެދުގައި އޮތް ގުޅުން އިތުރަށް ބަދަހިކުރުމާ ގުޅޭގޮތުންވެސް ދެ ގަވަރުނަރުން މަޝްވަރާކުރެއްވިކަމަށް އެމްއެމްއޭއިން ވަނީ ވިދާޅުވެފައެވެ.

'ފަވަރަ'އާއި، އިންޑިޔާގެ ޔުނިފައިޑް ޕޭމަންޓްސް އިންޓަފޭސް 'ޔޫޕީއައި' ގުޅާލާފައިވަނީ މިއަހަރުގެ ޖުލައި މަހުގެ 30ވަނަ ދުވަހުއެވެ. މިއީ ދިވެހިރާއްޖޭގެ މާލީ ތާރީޚުގައި ހާސިލުކުރެވުނު މުހިންމު ކާމިޔާބީއެއްކަމަށް އެމްއެމްއޭއިން ފާހަގަކުރައްވައެވެ. މިއާއިއެކު ދެ ގައުމުގެ ދެމެދުގައި ފައިސާ ފޮނުވުމަށް ފަސޭހަތަކެއް ލިބިގެންދާނެކަމަށް އެމްއެމްއޭއިން ވަނީ ފާހަގަކޮށްފައެވެ.