މިހާތަނަށް ހުއްޓާނުލައި ކުރި އެންމެ ދިގު ވައިގެދަތުރު

މިހާތަނަށް ހުއްޓާނުލައި ކުރި އެންމެ ދިގު ވައިގެދަތުރު، ޤަތަރު އެއަރވޭސްއިން ކޮށްފިއެވެ.

ޤަތަރު އެއަރވޭސްއިން މަޢުލޫމާތުދޭ ގޮތުގައި މިދަތުރުގެ ދިގުމިނަކީ 17 ގަޑިއިރާއި، 30 މިނެޓެވެ. ޤަތަރުގެ ދޯހާއިން ނިއުޒީލަންޑްގެ އޯކްލޭންޑަށް ކުރި މިދަތުރުގައި ޤަތަރު އެއަރވޭސްއިން ބޭނުންކޮށްފައިވަނީ ބޮއިންގް 777 މަރުކާގެ ބޯޓެކެވެ. 14534 ކިލޯމީޓަރު ދިގުމިނުގެ މިދަތުރުކުރުމަށް މި ބޯޓް ނައްޓާލާފައިވަނީ ހޮނިހިރުދުވަހު ހެދުނުއެވެ.

ފަހުގެ ޓެކްނޯލޮޖީގެ ސަބަބުން ތެޔޮ ބޭނުންކުރާ މިންވަރު މަދުކުރެވުމާ ގުޅިގެން ހުއްޓާނުލައި ކުރެވޭ ދަތުރުތަކުގެ ދިގުމިން ވަނީ އެތައް ގުނައެއް އިތުރުކުރެވިފައެވެ. މީގެ ކުރިން އެންމެ ދިގު ވައިގެ ދަތުރުގެ ރިކޯޑް ޤާއިމުކޮށްފައިވަނީ އެމިރޭޓްސްއިންނެވެ.