ސިޔާމް މައުރޫފްކަޕްގައި މިއަދު ޅޮހީ އަތުން މާޅެންދޫ މޮޅުވުމުން، ވެލިދޫއާއި މާޅެންދޫ ވާދަކުރަން އޮތް މެޗުގެ މުޙިއްމުކަން ބޮޑުވެއްޖެއެވެ.
މާޅެންދޫގައި ކުރިއަށްދާ މުބާރާތުގައި ޅޮހީގެ މައްޗަށް މާޅެންދޫ ކުރި ހޯދީ އެކެއް ސުމަކުންނެވެ. މެޗުގެ މޮޅު ކުޅުންތެރިއަކީ މާޅެންދޫ ޓީމަށް ލަނޑު ޖަހައިދިން ކެޕްޓަން މޫސާ ހަސަންއެވެ. އޭނާ މިއަދު އުފަން ރަށު ޓީމަށް ކުޅުނީ ފުރަތަމަ ޑިވިޝަންގައި އޭނާ ކުޅެމުން އަންނަ ގްރީން ސްޓްރީޓަށްވެސް މުޙިއްމު މެޗެއް އޮއްވައެވެ. މިއަދު ޓީސީ އަތުން ބަލިވެ ގްރީން ސްޓްރީޓްސްއަށް ވަނީ ގަދަ ހަތަރެއްގެ ފުރުޞަތު ގެއްލިފައެވެ. މެޗުގެ ލިސްޓްގައި ފާހަގަކޮށްފައިވަނީ މޫސާ ހަސަން ބެންޗްގައި އިންކަމަށެވެ.
މާޅެންދޫ ހިމެނޭ ގްރޫޕުން ކްއާޓަރގެ ޖާގަ ކަށަވަރުވެފައިވަނީ ޗެމްޕިއަން ހޮޅުދުއަށެވެ. ކްއާޓަރގެ ޖާގަ ލިބޭ ދެވަނަ ޓީމް ކަށަވަރުވާނީ އަންނަ ހުކުރު ދުވަހު މާޅެންދޫއާއި ވެލިދޫ ވާދަކުރާ މެޗުންނެވެ. މުބާރާތުގެ ކްއާޓަރ ފައިނަލުން ޖާގަ ކަށަވަރުކޮށްފައިވާ ޓީމްތަކަކީ ހޮޅުދޫއާއި، ލަންދޫއާއި، މިލަދުއާއި، މަނަދޫއެވެ.
ޗެމްޕިއަން ޓީމަށް ފަސްލައްކަ ރުފިޔާ ކަނޑައަޅާފައިވާ މުބާރާތުގެ ފައިނަލް މެޗު ކުޅޭނީ އަންނަ މަހުގެ 13 ވަނަ ދުވަހުއެވެ.