އެންމެ އެކަށީގެންވާ ގޮތަށް މަސައްކަތްނުކުރާތީ، ސަރުކާރުގެ ސައުވީސް ކުންފުންޏެއް އުވާލުމަށް ޕްރައވެޓައިޒޭޝަން ބޯޑުން ނިންމަވައިފިއެވެ.
ޕްރައިވެޓައިޒޭޝަން ބޯޑުގެ ރައީސް މުހައްމަދު ނިޒާރު ވިދާޅުވީ އެ ބޯޑުގެ ބެއްލެވުމުގެ ދަށުގައި މިހާރު އަށްޑިހަ ހަތަރު ކުންފުންޏެއް އޮތްއިރު، އެންމެ އެކަށީގެންވާ ގޮތަށް މަސައްކަތް ނުކުރާ ސައުވީސް ކުންފުންޏެއް އުވާލުމަށްޓަކައި ރައީސް އޮފީހުން ބޭނުންވާ ހުއްދައަށް މިހާރު އެދިފައިވާ ކަމަށެވެ. މީގެ ތެރެއިން ދެ ކުންފުންޏެއް އުވާލުމަށް ބޭނުންވާ ހުއްދަ މިހާރު ރައީސް އޮފީހުން ދެއްވާފައިވާ ކަމަށާއި، ދެން ކުރިއަށްދާނީ ކުންފުނި އުވާލުމަށް ގާނޫނީ ގޮތުން ނިންމަންޖެހޭ ކަންތައްތައް ކަމަށްވެސް ނިޒާރު ވިދާޅުވިއެވެ.
ނިޒާރު ވިދާޅުވީ، އެންމެ އެކަށީގެންވާ ގޮތުގައި މަސައްކަތް ނުކުރާ ކުންފުނިތައް އުވާލުމަށް ނިންމީ، އެ ކުންފުނިތައް އެހެން އޮތުމުން ދައުލަތައް އިތުރު ޚަރަދު ތަކެއް ކުރަންޖެހޭތީ ކަމަށެވެ.
އުވާލުމުގެ މަރުހަލާގައި މިހާރު އޮތް ސައުވީސް ކުންފުނީގެ ތެރޭގައި ކުރީގެ އެއަރ މޯލްޑިވްސް އާއި، ޔޫޓިލިޓީސް ތަކާއި، ހެލްތް ކޯޕަރޭޝަންތައްވެސް ހިމެނޭ ކަމަށް ނިޒާރު ވިދާޅުވިއެވެ.