އިސްރާއީލުގެ ލާއިންސާނީ އުދުވާންތަކުގެ ޝިކާރައަކަށްވެފައިވާ ޣައްޒާގެ ނިކަމެތި ރައްޔިތުންގެ ތެރެއިން ގިނަ ބަޔަކު ދިރިއުޅެމުންދަނީ އިންސާނެއްގެ ހިތަށް ވަޒަން ނުކުރެވޭފަދަ ދަތި ހާލެއްގައި ކަމަށް ޣައްޒާގައި ހުންނަ އެންމެ ބޮޑު ހޮސްޕިޓަލް ކަމަށްވާ އައްޝިފާ މެޑިކަލް ހޮސްޕިޓަލުގެ މެޑިކަލް ޑިރެކްޓަރ ޑޮކްޓަރ ސޮބީ ސްކައިކް ވިދާޅުވެއްޖެއެވެ.
އެމް.ބީ.ސީ ނިއުސްއަށް ދެއްވި ޚާއްޞަ ބަސްދީގަތުމެއްގައި ޑޮކްޓަރ ސްކައިކް ވިދާޅުވީ، މަހެއްހާ ދުވަސްވެފައިވާ އިސްރާއީލުގެ ލާއިންސާނީ އުދުވާނުގެ ސަބަބުން ޣައްޒާގެ އާއްމު ޙާލަތު އިންތިހާއަށް ދަށަށް ގޮސްފައިވާކަމަށާއި، ޣައްޒާގެ ރައްޔިތުން ދިރިއުޅެމުންދަނީ ބިރުވެރިކަމެއްގެ ތެރޭގައި ކަމަށ އިސްރާއީލުގެ އުދުވާންތައް 3 ދުވަހަށް ހުއްޓާލުމަށްފަހު އިއްޔެ ވެ.
އަނެއްކާވެސް ހަމަލާތައް ފެށުމާ ގުޅިގެން ގިނަ ބަޔަކު ހޮސްޕިޓަލުގައި މިވަގުތު ފަރުވާ ހޯދަމުންދާކަމަށްވެސް އޭނާ ވިދާޅުވިއެވެ. އަދި ޞިއްހީ ފަރުވާ ދޭ މީހުންނާއި އިމާރާތްތަކަށް އިސްރާއީލުގެ ހަމަލާތައް އަމާޒުވަމުން ދިޔުމުގެ ސަބަބުން، މި ހަމަލާތަކުގެ ޝިކާރައަކަށްވެފައިވާ މީހުންނަށް ޞިއްހީ އެހީތެރިކަން ފޯރުކޮށްދިނުމުގައި ބޮޑެތި ދަތިތަކާއި ކުރިމަތިވަމުންދާ ކަމަށްވެސް އޭނާ ވިދާޅުވިއެވެ.
މީގެ އިތުރުން ޣައްޒާގައި މިވަގުތު ކަރަންޓުގެ ޚިދުމަތް ލިބެނީ މަދު ސަރަހައްދުތަކަކަށް ކަމަށާއި، ކާބޯތަކެއްޗާއި، ފެނާއި އެހެނިހެން ޟަރޫރީ ބޭނުންތަކަށް ބޭނުންވާ ތަކެތި މުޅިންހެން ހުސްވެފައިވާ ކަމަށްވެސް އޭނާ ވިދާޅުވިއެވެ.
އޭނާ ދެއްވި ބަސްދީގަތުން ނިންމަވާލައްވަމުން އޭނާ ވަނީ، ޣައްޒާގައި ތިބި މުސްލިމް އަޚުންނާއި އުޚްތުންނަށް އެހީތެރިވުމަށް ދިވެހިން ކުރަމުންދާ މަސައްކަތްތައް ފާހަގަކޮށް، ޝުކުރު އަދާކޮށްފައެވެ.