ކުޅުންތެރިންގެ އަގުތައް މާމަތި ކަމަށާއި، މިހާރު ހޭދަކުރަންޖެހޭ މިންވަރަށް ހަރަދު ކުރަންވެއްޖެނަމަ ކުލަބުތަކަށް ފޫނުބެއްދޭ ވަރުގެ ގެއްލުންތަކެއް ކުރިމަތިވާނެ ކަމަށް ސްޕޭނުގެ ބޮޑު ދެ ކުލަބުން ބުނެފި އެވެ.
މަޝްހޫރު ބާސެލޯނާއިން ބުނީ ކޮންމެ ކުލަބެއްގެ ވެސް ބަޖެޓުގެ ބޮޑުބައި ޓްރާންސްފާ އާއި ކުޅުންތެރިންގެ ހޭދަތަކަށް ހަރަދުކުރުން ދިގުލައިދާނަމަ ކުލަބުތަކުގެ ކުރިމަގަށް އެތައް ގޮތަކުން ގެއްލުންވާނެ ކަމަށެވެ. މި ގޮތުން ގްރާސްރޫޓް ދަށްވުމާއި ފުޓްބޯޅައިގެ މުހިންމު އުސޫލުތައް ދަމަހައްޓަން ކުރާ މަސައްކަތްތަކަށް މަޑުޖެހުން އަންނާނެ ކަމަށެވެ.
ރެކޯޑް އަގަކަށް ކުޅުންތެރިން ގަތުމުގައި މަޝްހޫރު ރެއާލް މެޑްރިޑުން ވެސް ބުނީ ޓްރާންސްފާ މާކެޓުގެ އަގުތައް ތިރިކުރަންޖެހޭ ކަމަށާއި، މިހާރު އަގުތައް ހުރި މިންވަރަކީ މީގެ 10 ވަރަކަށް އަހަރު ފަހުން ކުލަބުތަކަށް އަރައި ނުގަނެވިދާނެ ފަދަ އަގުތަކެއް ކަމަށެވެ. ދުނިޔޭގެ ފުޓްބޯޅައިގެ ޓްރާންސްފާ މާކެޓުގެ އަގުތައް މާމަތިވެފައިވަނީ އަރަބި މަހުޖަނުން ޔޫރަޕުގެ ބޮޑެތި ބައެއް ކުލަބުތަކާ ހަވާލުވިފަހުންނެވެ. މި ގޮތުން ފްރާންސްގެ ޕީއެސްޖީގެ އަރަބި މަހުޖަނުން ބްރެޒިލްގެ ނޭމާ ބާސެލޯނާއިން ގަތީ އެއްފަހަރާ 222 މިލިއަން ޕައުންޑެ ދީފަ އެވެ.