މުބާރާތުގައި ދިވެހި ޓީމް ކުޅެނީ، ދިވެހި ރެފްރީ ނަޝީދަށް ފުރުޞަތު ލިބުނު
20 އަހަރުން ދަށުގެ އޭޝިއަން މެންސް ވޮލީބޯލް ޗެމްޕިއަންޝިޕުގެ ރެފްރީއަކަށް ރާއްޖޭގެ ތަޖުރިބާކާރު ރެފްރީ އަހުމަދު ނަޝީދު (ތުއްތުކޯ) ހަމަޖައްސައިފިއެވެ.
ބަހުރޭނުގައި މިހާރު ކުރިއަށްދާ މުބާރާތަށް އޭޝިއާގެ ވޮލީބޯޅަ ފެޑަރޭޝަނުން ނެގި 22 ރެފްރީންގެ ތެރެއިން ނަޝީދަނީ ސާކް ސަހަރައްދުން ނެގި ތިން ރެފްރީންގެ ތެރެއިން އެއް ރެފްރީއެވެ. އޭނާއާއެކު މި މުބާރާތުގައި ސާކް ތަމްސީލުކުރަނީ އިންޑިޔާ އާއި ސްރީލަންކާގެ ރެފްރީންނެވެ.
ޖުމުލަ 23 ޓީމު ބައިވެރިވެފައިވާ މި މުބާރާތަށް ނަޝީދުނެގިއިރު އޭނާއަކީ މިވަގުތު ރާއްޖޭގައި ހުރި ވޮލީގެ އެންމެ ތަޖުރިބާކާރު ރެފްރީ އެވެ.
އޭވީސީން ވަނީ މުބާރާތް ފެށުމުގެ ކުރިން ރެފްރީންންށް ހާއްސަ ތަމްރީނު ޕްރޮގްރާމެއް ކުރިއަށް ގެންގޮސްފަ އެވެ. މި މުބާރާތް ނިމޭނީ އަންނަ ހޮނިހިރު ދުވަހު އެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ