އިޓަލީގެ ބޮޑު ދެ ކުލަބު ކަމަށްވާ ޗެމްޕިއަން ޔުވެންޓަސްގެ ފޯވަޑް ގޮންޒާލޯ ހިގުއައިން އޭސީމިލާނަށް އަދި އެކުލަބުގެ ޑިފެންޑަރު ލިއޮނާޑޯ ބޮނޫޗީ ޔުވެންޓަސް އަށް ބަދަލުވާން ނިންމައިފި އެވެ.
މި ދެ ކުލަބުން ކުޅުންތެރިން ބަދަލު ކުރަން އެއްބަސްވީ ލޯނު އުސޫލުންނެވެ. ނަމަވެސް އެއް އަހަރަށް ފަހު ކުޅުންތެރިން ކުލަބުގައި ދާއިމީ ކުރުމުގެ އިހްތިޔާރު އޮންނަ ގޮތަށެވެ.
އާޖެންޓީނާގެ ފޯވަޑް ހިގުއައިން ދޫކޮށްލަން ޔުވެންޓަސްއިން ނިންމީ 100 މިލިއަން ޕައުންޑަށް ކްރިސްޓިއާނޯ ރޮނާލްޑޯ ގަތުމަށްފަހު އެވެ. ހިގުއައިން އާއި އޭނާގެ ބޭބެ މިހާރު ވަނީ މިލާނުގެ އޮފިޝަލުންނާ ބައްދަލުކޮށްފަ އެވެ. އެކަމަކު އޭނާގެ ހިދުމަތަށް މިލާނުން ޔުވެންޓަސް އަށް 15 މިލިއަން ޔޫރޯ ދޭން ޖެހޭނެ އެވެ. ހިގުއައިން ހޯދުމަށް އިނގިރޭސި ކުލަބު ޗެލްސީން ވެސް ދިޔައީ މަސައްކަތް ކުރަމުންނެވެ.
ބޮނޫޗީ އަކީ މޮޅު ޑިފެންޑަރެކެވެ. އޭނާ އަލުން ޔުވެންޓަސް އަށް ބަދަލުވަނީ މިލާނުގައި ހުރުމަށް ބޭނުންނުވާތީ އެވެ.