ޕްރިމިއަރ ލީގުގައި ލަނޑެއް ޖެހުމަށްފަހު ޕެޑްރޯ އުފާފާޅުކުރަނީ / ފޮޓޯ : ޒިންހުއާ
އިތުރު އަހަރަކު ޗެލްސީގައި މަޑުކުރަން ސްޕޭނުގެ ފޯވަޑް ޕެޑްރޯ ރޮޑްރިގޭޒް ސޮއިކޮށްފި އެވެ.
އުމުރުން މިހާރު 31 އަހަރުގެ ކުޅުންތެރިޔާގެ ކޮންޓްރެކްޓަށް އިތުރުކުރި އަހަރާއެކު 2020 ވަނަ އަހަރުގެ ނިޔަލަށް އޭނާ ޗެލްސީގައި ހުންނާނެ އެވެ.
ޕެޑްރޯ އަކީ 2015 ވަނަ އަހަރު 21 މިލިއަން ޕައުންޑަށް ސްޕޭނުގެ ބާސެލޯނާއިން ޗެލްސީއަށް ގެނައި ކުޅުންތެރިއެކެވެ. އޭނާ ވަނީ މިހާތަނށް 131 މެޗު ކުޅުދީ 28 ގޯލު ޖަހާފަ އެވެ.
"އަހަރެން މި ކުލަބުގައި ހިތްހަމަޖެހޭ. އަހަރެން މިކުލަބުގައި އިތުރު ދުވަސްތަކެއްގައި ހުންނަން ބޭނުން،" އާ ކޮންޓްރެކްޓްގައި ސޮއިކުރުމަށްފަހު ޕެޑްރޯ ބުންޏެވެ.
ވޯލްޑް ކަޕާއި ޔޫރޯ ކާމިޔާބުކުރި ސްޕޭން ޓީމުގައި ހިމެނުނު ނަމަވެސް މިދިޔަ މަހު ރަޝިޔާގައި ނިމުނު ވޯލްޑް ކަޕަށް ދިޔަ ސްޕޭން ޓީމުން ޕެޑްރޯ އަށް ޖާގަ ނުލިބުނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ