އޮމާނުގައި މިހާރު ކުރިޔަށްދާ ވެސްޓާން ރީޖަން ޓީ20 ކްރިކެޓް މުބާރާތުގައި ސައުދި އަރަބިއްޔާ އަތުންވެސް ރާއްޖެ ބަލިވެއްޖެއެވެ.
ސައުދި އަރަބިއްޔާ މެޗް ކާމިޔާބުކޮށްފައިވަނީ ހަ ވިކެޓްގެ ތަފާތުންނެވެ.
މެޗްގައި ޓޮސް ދިމާވުމުން ރާއްޖޭގެ ޓީމްއިން ގަސްތުކުރީ ކުޅުމަށެވެ. ރާއްޖެއިން ކުޅެން އަރާ 7 ކުޅުންތެރިން ނުބައިވެގެން 20 އޯވަރުގެ ތެރޭގައި 139 ލަނޑު ހަދާފައިވެއެވެ. ރާއްޖޭގެ ޓީމްއިން އެންމެ ރަގަނޅަށް ކުޅުނީ 67 ލަނޑު ހެދި ރިޝްވާން މުހައްމަދު އާއި 19 ލަނޑު ހެދި މުއާވިއަތު އަބްދުލް ޢަނީއެވެ.
ޖަވާބުގައި ސައުދި އަރަބިއްޔާއިން ކުޅެން އަރާ 4 ކުޅުންތެރިން ނުބައިވެގެން 17 އޯވަރުގެ ތެރޭގައި 140 ލަނޑު ހެދިއެވެ.
ރާއްޖެ މިމުބާރާތުގައި މިހާތަނަށް ކުޅުނު ދެ މެޗުންވެސްވަނީ ބަލިވެފައެވެ. އެއީ ކުވެއިތު އަތުން 8 ވިކެޓުން އަދި ބަޙްރެއިން އަތުން 2 ވިކެޓުންނެވެ.
މިމުބާރާތުގެ ފަހު މެޗްގައި ރާއްޖެ ވާދަކުރާނީ ގަތަރާއެވެ.