ލިވަޕޫލްގެ ކުޅުންތެރިންގެ މޯޓިވޭޝަނަކީ އެކުލަބުގެ ސަޕޯޓަރުން ކަމަށް ކޯޗު ޔާގެން ކްލޮޕް ބުނެފި އެވެ.
އޭނާ މިހެން ބުނީ ޕްރެމިއާ ލީގުގައި ރޭ ކާޑިފް އަތުން 2-0އިން މޮޅުވި މެޗަށްފަހު އެވެ.
ފަހުހާފުގައި ޖިއީޖިއޯ ވައިނަލްޑަމާއި ޕެނަލްޓީއަކުން ޖޭމްސް މިލްނާ ޖެހި ގޯލުން ލިވަޕޫލް މޮޅުވުމުން އެ ޓީމު މިވަގުތު އޮތީ ދެ ޕޮއިންޓްގެ ލީޑަކާއެކު ތާވަލުގެ ކުރީގަ އެވެ.
ޕްރެމިއާ ލީގުގެ ތަށި 1990ގެ ފަހުން ފުރަތަމަ ފަހަރަށް ހޯދަން މަސައްކަތް ކުރާއިރު ލިވަޕޫލަށް ބާކީ އޮތީ ތިން މެޗެކެވެ.
ކްލޮޕް ބުނީ އޭނާގެ ޓީމު ތައްޔާރުވާނީ ކުރިއަށް އޮތް ތިން މެޗުގެ ތެރެއިން ދެ މެޗު ކުޅެން ޖެހޭނީ އަމިއްލަ ދަނޑުގައި ކަމަށްވުމުން ޕްރެމިއާ ލީގަށް އިސްކަންދީގެން ކަމަށެވެ.
ޗެމްޕިއަންސް ލީގުގެ ސެމީފައިނަލުގައި މި މަހުގެ ފަހު ދުވަހު ބާސެލޯނާއާއެކު ކުޅެން ޖެހޭ މެޗާ ބެހޭ ގޮތުން އޭނާ ބުނީ އެ މެޗަށް ތައްޔާރުވާނީ ޕްރެމިއާ ލީގުގައި އޭގެ ކުރިން ކުޅޭ މެޗުތަކަށް ފަހު ކަމަށެވެ.