ޗެމްޕިއަންސް ލީގުގައި ބާސެލޯނާ ކަހަލަ ވަރުގަދަ ޓީމަކާއި ދެކޮޅަށް ކުޅޭއިރު ގޯސްހެދޭނެ ކަމަށާއި އެކަމަށް ސަމާލުވާންޖެހޭނެކަމަށްވެސް ލިވަޕޫލުން ބުނެފިއެވެ.
ކޯޗު ޔާގެން ކްލޮޕް ބުނީ ބާސެލޯނާގެ ދަނޑުގައި ގަދަވާނީ ބާސެލޯނާ ކަމަށާއި މެޗު އެއްވަރުވުމަކީ ވެސް ގޯސް ނަތީޖާއަކަށް ނުވާނެ ކަމަށެވެ.
ކްލޮޕް ބުނީ މި މުބާރާތުގެ ތައްޓަށް ލިވަޕޫލުން ވާދަކުރީ މިދިޔަ އަހަރު ވާދަކުރިކަމަށާއި، އެކަމަކު ބާސެލޯނާއަކީ މިދިޔަ 20 އަހަރު ވެސް ތައްޓަށް ވާދަކުރި ޓީމެއް ކަމަށެވެ.
އަދި ބާސެލޯނާ އަކީ ދުނިޔޭގެ އެންމެ މޮޅު ޓީމު ކަމަށާއި، އެންމެ މޮޅު ކުޅުންތެރިން ތިބީ ވެސް އެ ޓީމުގައި ކަމަށެވެ.
ފަސް ފަހަރު ތަށި ހޯދާފައިވާ ދެ ޓީމު ކުޅޭ މެޗަށް ލިވަޕޫލްގެ އެންމެ ބޮޑު ކަންބޮޑުވުމަކީ ފޯވަޑް ރޮބާޓޯ ފިރްމީނޯ މުޅިން ފިޓްނުވުމެވެ. ކްލޮޕް ބުނީ ބްރެޒިލްގެ ފޯވަޑް ލައްވައި ކުޅުވާނީތޯ ނުވަތަ ނޫންތޯ ނިންމާނީ އެންމެ ފަހު ވަގުތު ކަމަށެވެ.