އޭނާގެ ކޯޗުކަމުގައި ޔުވެންޓަސްގެ އެޓޭކް ލީޑް ކުރާނީ ކްރިސްޓިއާނޯ ރޮނާލްޑޯ ކަމަށް އާ ކޯޗު މައުރީސިއޯ ސަރީ ބުނެފި އެވެ.
އޭނާ މިހެން ބުނީ ސާރީގެ ސްޓައިލަކީ މިހާރު ޔުވެންޓަސްގައި ތިބި ކުޅުންތެރިންނާ ގުޅޭ ސްޓައިލެއްތޯ ނޫސްވެރިން ސުވާލު ކުރުމުންނެވެ.
"އަހަރެންގެ ސްޓައިލް ބަދަލެއްނުވޭ. އަހަރެން ހުންނާނީ އަހަރެން ކުރިން ވެސް ހިފެހެއްޓި އުސޫލުތަކުގައި. އެކަމަކު އަހަރެން ޖެހޭ އަހަންނަށް ލިބިފައިތިބި ކުޅުންތެރިންގެ ސްޓައިލަށް ވެސް ހޭނެން. ހަމައެގޮތަށް ކުޅުންތެރިން ވެސް އަހަރެންގެ ސްޓައިލަށް ހޭނެން ޖެހޭނެ،" ކޯޗު ބުންޏެވެ.
އޭނާ ބުނީ ގޮންޒާލޯ ހިގުއައިން އާއި ކްރިސްޓިއަނޯ ރޮނާލްޑޯ ކުރެ ފޯވަޑް ލައިނުގައި އިސްކަންދޭނީ ރޮނާލްޑޯ އަށް ކަމަށެވެ.
"އޭނާ އަކީ ދެ އަރިމަތިން ވެސް ކުޅެވޭނެ ކުޅުންތެރިއެއް. އަހަރެން ވާތް ފަރާތުން ފުރަތަމަ އިސްކަންދޭނީ ރޮނާލްޑޯ އަށް. ޓީމުގައި ތިބި ކޮންމެ ކުޅުންތެރިއަކީ ވެސް މުހިންމު މީހެއް. އެކަމަކު ތަފާތު މޮޅު ކުޅުންތެރިން އަދި މީގެ ކުރިން އެތައް ކަމެއް ސާބިތުކޮށްދީފައިތިބި ކުޅުންތެރިން ހާއްސަވާނެ،" ސަރީ ބުންޏެވެ.