މާލޭގެ ގެއެއްގައި ހަށިވިއްކުމުގެ ޢަމަލު ހިންގައި ވިޔަފާރި ކުރަމުންދިޔަ 8 މީހަކު ފުލުހުން ހައްޔަރުކޮށްފިއެވެ.ފުލުހުން ބުނީ ރޭ މ. ވުޑްޕެކަރ އިން ބަޔަކު އެޢަމަލު ހިންގަމުންދަނިކޮށް ހައްޔަރުކޮށްފައިވާކަމަށާ، މިގޮތުން ފުލުހުންގެ ބެލުމުގެ ދަށަށް ގެނެސް އެގެއިން ހައްޔަރުކޮށްފައިވަނީ ބިދޭސީ 3 އަންހެނުންނާއި 4 ފިރިހެނުންގެ އިތުރުން ދިވެހި ފިރިހެނެއްކަމަށެވެ.މ. ވުޑްޕެކަރގައި ހަށި ވިއްކުމުގެ މަސައްކަތް ކުރަމުންދިޔަ ބަޔަކު އަތުލައިގަތުމަށްފަހު އެގޭގެ 4 ކޮޓަރިއެއް ފުލުހުން ވަނީ ބަލައި ފާސްކޮށްފައެވެ.ފުލުހުން ބަލައި ފާސްކުރި ކޮޓަރިތަކުން ގިނަ ޢަދަދެއްގެ ދިވެހި ފައިސާ އާއި ބޭރު ފައިސާގެ އިތުރުން، ޖިންސީ ގުޅުން ހިންގުމަށް ބޭނުންކުރާ ތަފާތު އެކި ވައްތަރުގެ ބޭހާއި އެހެނިހެން އާލާތްތައް ފެނިފައިވާކަމަށް ފުލުހުން މަޢުލޫމާތުދެއެވެ.މިމައްސަލަ ފުލުހުން ދަނީ އިތުރަށް ތަޙުޤީޤު ކުރަމުންނެވެ.