ހައިކޯޓްގެ ފަނޑިޔާރުކަމުގެ ހުވާ ކުރިމިނަލް ކޯޓްގެ ގާޒީ އަބްދުﷲ ދީދީއާއި ގާޒީ ޝުޖާއު އުސްމާން ކުރައްްވަނީ- (ފޮޓޯ: ޓީވީއެމް)
ހައިކޯޓްގެ ހުސްވެފައިވާ ދެ ފަނޑިޔާރުކަމަށް ކުރިމިނަލް ކޯޓްގެ ގާޒީ އަބްދުﷲ ދީދީއާއި ގާޒީ ޝުޖާއު އުސްމާން އައްޔަންކުރައްވައިފިއެވެ.މި ދެބޭފުޅުން މި މާގަމަށް ޖުޑީޝަލް ސާރވިސް ކޮމިޝަނުން ހަމަޖެއްސެވުމުން އެ ބޭފުޅުން މަގާމް ހުވާކުރެއްވީ މިއަދުއެވެ. ސުޖާއު އުސްމާނާއި އަބްދުﷲ ދީދީއަށް މަގާމްގެ ފަތްކޮޅު ދެއްވީ އުއްތަމަ ފަނޑިޔާރު އަބްދުﷲ ސައީދުއެވެ.ހައިކޯޓްގެ ފަނޑިޔާރުކަމަށް ދެ ބޭފުޅުން މި އައްޔަންކުރީ އެކަމަށް ޖޭއެސްސީން އެކުލާވި އުސޫލް ބާތިލްކަމަށް ހައިކޯޓުން ކަނޑައަޅާފައިވާ ނިންމުން ދާދި ފަހުން ސުޕްރީމްކޯޓުން ބާތިލްކޮށްފައިވަނިކޮށެވެ.ހައިކޯޓްގެ ފަނޑިޔާރުކަމަށް ޝުޖާއު އުސްމާނާއި އަބްދުﷲ ދީދީ އައްޔަންކުރުމުން އެކޯޓަށް ފަނޑިޔާރުން ހަމަވީ. ކޯޓްތަކާއި ބެހޭ ގާނޫނޫ ބުނާގޮތުން ހއިކޯޓްގެ ފަނޑިޔާރުންގެ އަދަދަކީ ނުވައެކެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ