ރާސްތާ ދޯނީގައި ހުއްޓާ ނިޔާވިމީހާ ޕޮޒިޓިވްވުމާއި ގުޅިގެން ގުރައިދޫ އާއި ބިލަތްދޫ މޮނިޓަރިންއަށް

ފ.ބިލެތްދޫ ރާސްތާ ދޯނިން ނިޔާވިމީހާ ކޯވިޑް-19އަށް ޕޮޒިޓިވްވުމާއި ގުޅިގެން ކ.ގުރައިދޫ އާއި ފ.ބިލެތްދޫ މޮނިޓަރިންގެ ޙާލަތަށް ގެނެސްފިއެވެ.

އެޗްޕީއޭއިން ވިދާޅުވީ މިމަހުގެ 22 ވަނަ ދުވަހު ފ.ބިލެތްދޫ ރާސްތާ ދޯނީގައި ހުއްޓައި ނިޔާވި މީހާ ކޯވިޑަށް ޕޮޒިޓިވްވުމާއި ގުޅިގެން އެދުވަހު އެންމެ ފުރަތަމަ އެމީހާ ގެންދިޔަ ކ.ގުރައިދޫ މޮނީޓަރިންގ ޙާލަތަށް ލާފައިވާކަމަށެވެ. ގުރައިދޫއަށްފަހު އެމީހާގެ ކަށުކަމާކެމީގެ ކަންކަންކުރިއަށްގެންދިޔަ ފ.ބިލެތްދޫވެސް ވަނީ މޮނީޓަރިންގެ ޙާލަތަށް ގެނެސްފައެވެ. އެޗްޕީއޭއިން ވިދާޅުވީ މިދެރަށް މޮނީޓަރިންގ ގެ ޙާލަތަށް ގެނައީ ރާސްތާ ދޯނީގައި ހުއްޓާ ނިޔާވި މީހާ ކޯވިޑް-19އަށް ޕޮޒިޓިވްވުމާއި ގުޅިގެން ބަލަންޖެހޭ ކަންކަން އިތުރަށް ބެލުމަށްފަހުގައި ކަމަށެވެ. އެހެންކަމުން އެޗްޕީއޭއިން ވަކިގޮތެއް އަންގަންދެން އެދެރަށަށް އަރައި ފޭބުން ވަނީ މަނާކޮށްފައެވެ.

ރާސްތާ ދޯނީގައި ހުއްޓާ މަރުވި މީހާގެ ކަށުކަމާކެމީގެ ކަންކަން ކުރިއަށްގެންގޮސްފައިވަނީ ރައްކާތެރިކަމުގެ ފިޔަވަޅުތަކާއެކުގައިކަމަށް އެރަށު ކައުންސިލާ ޙަވާލާދީ ބައެއް މީޑިއާތަކުންވަނީ ރިޕޯޓުކޮށްފައެވެ. އަދި އެރަށުގައި މިކޭސް އާއި ގުޅިގެން ކޮންޓެކްޓް ޓްރޭސިންގެ ގެ މަސައްކަތްވެސް ކުރަމުން އަންނަކަމަށް މަޢުލޫމާތު ލިބެއެވެ.

އެޗްޕީއޭއިން އެކުލަވާލާފައިވާ އުސޫލުގެ ދަށުން ރާއްޖޭގައި މަރުވާ މީހުން މިހާރު ކޯވިޑް-19އަށް ޓެސްޓުކުރެވެއެވެ. ރާސްތާ ދޯނީގައި ހުއްޓާ ނިޔާވި މީހާ ކޯވިޑް-19އަށް ޓެސްޓުކުރީ އެ އުސޫލުގެ ދަށުންނެވެ.