އައިޖީއެމް ހޮސްޕިޓަލް.
ފޮޓޯ:ޕީއެސްއެމް
މާލޭގެ ދެވިނަ މަގުގައި ވެއްޓިފައި އޮތް މީހަކު އައިޖީއެމްއެޗަށް ގެންގޮސް ފަރުވާ ދެމުން ދަނިކޮށް ނިޔާވެފައިވާކަމަށް ފުލުހުން ވިދާޅުވެއްޖެއެވެ. ފުލުހުން ވިދާޅުވީ މަރުވެފައިވަނީ ޢުމުރުން 44 އަހަރުގެ ދިވެހި ފިރިހެނެއްކަމަށެވެ.
ފުލުހުން ވިދާޅުވީ ދެވިނަމަގުގައި މީހަކު ވެއްޓިފައި އޮތް ކަމުގެ މަޢުލޫމާތު ފުލުހުންނަށް ލިބިފައިވަނީ މިއަދު 14:03 ހާއިރު ކަމަށެވެ. އަދި އެ ސަރަހައްދަށް ގޮސް ފުލުހުންގެ ވެހިކަލެއްގައި އެމީހާ އައިޖީއެމްއެޗަށް ގެންދިޔަ ކަމަށެވެ. އައިޖީއެމްއެޗާއި ހަވާލާދީ ފުލުހުން ވިދާޅުވެފައިވަނީ އެމިހާ މަރުވެފައިވަނީ ފަރުވާދެމުންދަނިކޮށް ކަމަށެވެ. މިކަމާއި ގުޅިގެން ބަލަންޖެހޭ ކަންކަން އިތުރަށް ބަލަމުން އަންނަކަމަށްވެސް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ