އެފްއޭއެމްގެ ރައީސް ކަމަށް ވާދަކުރައްވާ މުހައްމަދު
ޝަވީދުގެ ކޮރަޕްޝަން އެއްވެސް މައްސަލައެއް ނެތް ކަމަށް އޭސީސީއިން ނިންމައިފި.
އެފްއޭއެމް އިންތިހާބާ ގުޅޭގޮތުން އޭސީސީއަށް ހުށަހެޅި މައްސަލަ ނިންމާ މިއަދު އެކޮމިޝަނުން ނެރުނު ބަޔާނުގައި ބުނެފައިވަނީ އެފްއޭއެމް އިންތިހާބަށް ނުފޫޒު ފޯރުވާ ކަމަށްބުނެ އޭސީސީއަށް ހުށަހަޅާފައިވާ މައްސަލަތައް ބެލިއިރު ކޮރަޕްޝަނަށް މަގުފަހިވާ ފަދަ އެއްވެސް ހަރަދެއް އެފްއޭއެމް އިން ކޮށްފައި ނުވާ ކަމަށެވެ. އަދި ދަޢުލަތުން އެފްއޭއެމްއަށް ދީފައިވާ އެއްްވެސް ފައިސާއެއް ކޮންގްރެސްގައި ބައިވެެރިވާ އެއްވެސް ކްލަބަކަށް ޚަރަދުކޮށްފައި ނުވާކަމަށެވެ.
މީގެ އިތުރުން އެފްއޭއެމް އިންތިހާބުގައި ވޯޓްލެވޭ ކްލަބްތަކުގެ އަދަދު 13 އިން 44 ކްލަބަކަށް ބަދަލުކޮށްފައިވުމަކީ އިންތިހާބުގެ ވޯޓްލުމުގައި ކޮރަަޕްޝަނުގެ އަމަލު ހިންގުމުގެ ފުރުސަތު ކުޑަވެގެންދާނެ ކަމެއް ކަމަށް އޭސީސީއިން ވަނީ ފާހަގަކޮށްފައެވެ.
މީގެ ކުރިން ޔޫތް މިނިސްޓްރީއިންވެސް ވަނީ އޭސީސީއިން
މައްސަލަ ބަލާ ނިމެންދެން އެފްއޭއެމް އިންތިހާބު ލަސްކޮށްދިނުމަށް އެދިފަ.
ނަމަވެސް އެފްއޭއެމްއިން ވަނީ ކުރިންވެސް ކަނޑައަޅާފައިވާ ތާރީހުގައި އިންތިހާބު
ބާއްވަން ނިންމާފައެވެ. އެފްއޭއެމް އިންތިހާބާ ގުޅޭގޮތުން ފީފާއިންވެސް ވަނީ ރާއްޖޭގެ
ސަރުކާރުން އެފްއޭއެމް އިންތިހާބަށް ނުފޫޒު ފޯރުވާނަމަ ރާއްޖެ ސަސްޕެންޑް ކުރަން ޖެހިދާނެ
ކަމުގެ އިންޒާރުދީފައެވެ.
އެފްއޭއެމް އިންތިހާބުގައި މިފަހަރު ވާދަކުރައްވަނީ
ނޯމަލައިޒޭޝަން ކޮމިޓީގެ ޗެއާމަން މުހައްމަދު ޝަވީދު އެކަންޏެވެ. ބުރާސްފަތި ދުވަހު
ބާއްވާ އިންތިހާބުގައި ނަގާނީ ފެންނަ ނުފެންނަ ވޯޓެކެވެ.