މާޒިޔާގެ މައްޗަށް ކުރި ހޯދާ އުރީދޫ ދިވެހި
ޕްރިމިއަރ ލީގުގެ އެއްވަނައިގައި ނިއުރޭޑިއެންޓުން ތިން ޕޮއިންޓްގެ ލީޑެއް
ނަގައިފި. ފުރަތަމަ ބުރުގެ އެންމެ ފަހުމެޗްގައި މިއަދު ހަވީރު މާފަންނު ޓާފް ދަނޑުގައި ކުޅުނު މި
މެޗް ނިއުރޭޑިއެންޓް ކާމިޔާބުކުރީ އެއް ލަނޑު ސުން ލަނޑުންނެވެ.
މެޗްގައި
ނިއުރޭޑިއެންޓްގެ ހަމައެކަނި ލަނޑު ދެވަނަ ހާފްގެ ބައްތިރީސްވަނަ މިނެޓްގައި
ކާމިޔާބުކޮށްދިނީ ރިލްވާން ވަޙީދު. މި މެޗުން މޮޅުވެ ނިއުރޭޑިއެންޓް ލީގް ތާވަލްގެ
އެއްވަނާގައި އޮތީ 17 ޕޮއިންޓާއެކުއެވެ. މާޒިޔާ ތާވަލްގެ ތިންވަނާގައި އޮތީ 12
ޕޮއިންޓާއެކުއެވެ.
މެޗަށްފަހު ނިއުރޭޑިއެންޓްގެ ކޯޗް ނިކޮލާ ކަވަޒޮވިޗް ބުނީ މިއީ
އޭނާއަށް ލިބިގެންދިޔަ ރަނގަޅު މޮޅެއް ކަމަށާ ނިއުރޭޑިއެންޓާ ހަވާލުވެ އިރުޝާދު
ދިން ފުރަތަމަ މެޗުން ތިން ޕޮއިންޓް ލިބުމަކީ ވަރަށް ބޮޑު ހިތްހަމަ ޖެހުމެއް
ކަމަށެވެ.
މާޒިޔާގެ
ކޯޗް އަލީ ސުޒޭން ބުނީ ފުރަތަމަ ބުރު ނިމުނުއިރު ނިއުރޭޑިއެންޓުން ފަސް ޕޮއިންޓްގެ
ލީޑެއް ނަގާފައި އޮތުމަކީ މާޒިޔާއަށް ކުރިމަތިވާނެ ޕްރެޝަރެއް ކަމަށެވެ.