ސަލްމާން ޚާން،ގެ ފިލްމަ "ރާދޭ" އަންނަ ފިތުރު އީދުގައި ސިނާމާތަކަށް އަންނާނެކަން އެންމެ ފަހުން ޔަގީންކޮށްދީފިއެވެ. މި ފިލްމްގެ ޓްރެއިލަރ މިއަދު ދައްކާލުމަށްވެސް ވަނީ ހަމަޖެހިފައެވެ.
ކޮންމެ އަހަރެއްގެވެސް އީދާއި ދިމާކޮށް ފިލްމު ނެރެމުން އަންނަ ސަލްމާން ޙާންގެ "ރާދޭ" އަކީ ސަންޖޭ ލީލާ ބަންސާލީގެ "އިންޝާﷲ" ދުކޮށްލުމަށްފަހު މިދިޔަ އަހަރު ފިތުރު އީދަށް ނެރޭނެކަން އޭނާ އިއުލާންކުރި ފިލްމެވެ. އެހެންނަމަވެސް ކޯވިޑައާއި ހެދި ފިލްމަ ސްކްރީނަށް މި އަންނަނީ އޭގެ އަހަރެއްހާ ދުވަސް ފަހުންނެވެ.
ފިލްމްގެ ޕްރޮޑަކްޝަން ޓީމުން ބުނީ ކޯވިޑް 19 ގެ ދެވަނަ ރާޅެއް ޤައުމަށް ކުރިމަތިވެފައިވީނަމަވެސް ސަރުކާރުން ކަނޑައަޅަފައިވާ ރައްކާތެރިކަމުގެ ފިޔަވަޅުތަކާއެކީގައި ފިލްމު 'ރާދޭ' ތިއޭޓަރުތަކުގައި ދައްކާނެކަމަށެވެ. އަދި ޓާގެޓަކީ 40 ޤައުމެއްގައި ފިލްމު ރިލީޒް ކުރުންކަމަށްވެސް ޕްރޮޑަކްޝަން ޓީމުން ބުނެއެވެ.
މީގެއިތުރުން ޒީ5 ގައިވެސް ފިލްމު ރިލީޒްކުރަން ވަނީ ނިންމާފައެވެ. ޑިޝް، ޑިޝް2، ޓާޓާ ސްކައި، އަދި އެއަރޓެލް ޑިޖިޓަލް ޓީވީއިންވެސް ފިލްމު ފެނިގެންދާނެއެވެ. މީގެ ސަބަބުން ބެލުންތެރިންނަށް ބޭނުން މީޑިއާއަކުން ފިލްމު ބަލާލުމުގެ ފުރުޞަތު ލިބިގެންދާނެއެވެ.
#RADHE NEW POSTER + TRAILER... #RadheTrailer - starring #SalmanKhan - drops at 11 am today. pic.twitter.com/clBmtx1j38
— taran adarsh (@taran_adarsh) April 22, 2021
ފިލްމުގެ ޕްރޮޑަކްޝަން ޓީމުން ބުނީ މި ދަނޑިވަޅުގައި އެ ޓީމުން ރައްކާތެރިކަމާއި އެކު ފިލްމް ސިނަމާތަކުގައި ފިލްމު ދެއްކުމަށް ތިއޭޓަރުތަކުގެ ވެރިންނަށް ފުރިހަމަ އަށް ސަޕޯޓުކުރާނެކަމަށެވެ. އަދި ގިނަ މީހުންނަށް ފިލުމު ބަލާލުމުގެ ފުރުޞަތު ލިބޭތޯ ޔަޤީންކުރާނެކަމަށްވެސް އެޓީމުން ބުނެއެވެ.
ސަލްމާނު ޚާނުގެ އިތުރުން ދިޝާ ޕަޓާނީ، ރަންދީޕް ހޫޑާ އަދި ޖެކީ ޝޮރޮފްވެސް މި ފިލްމުގައި ފެނިގެންދާނެއެވެ. ފިލްމު ޕްރޮޑިއުސް ކޮށްފައިވަނީ ސަލްމާނު ޚާން، ސުހައިލް ޚާން އަދި ރީލް ލައިފް ޕްރޮޑަކްޝަން ޕްރައިވެޓް ލިމިޓެޑުންނެވެ. މި ފިލްމަކީ ސަލްމާނާ އެކު ޕްރަބޫދޭވާ ޑައިރެކްޓްކުރާ ތިން ވަނަ ފިލްމަށެވެ. އެ ދެ މީހުން އެކީގައި މަސައްކަތްކުރި ފުރަތަމަ ފިލްމަކީ 2009 އަހަރު ނުކުތް "ވޯންޓެޑް" އެވެ.
ސަލްމާން ޚާނަކީ ކޮންމެ އަހަރެއްގެ ވެސް އީދުގައި އޭނާގެ ފިލުމުތައް ނެރެން މަސައްކަތް ކުރާކަން ފާހަގަކޮށްލެވޭ ފަންނާނެކެވެ. "ރާދޭ" ސްކްރީންތަކަށް އަންނަނީ އަންމަ މަހުގެ 13 ވަނަދުވަހުއެވެ. މި ފިލްމަކީ އަހަރުގެ ކުރީކޮޅު ސަލްމާންގެ ޅިޔަނު އަތުލް އަގުނިހޯތުރީ ރައިޓްސް ހޯދި ދެކުނު ކޮރެއާގެ ފިލްމު "ވެޓަރަން" ގެ ހިންދީ ރިމޭކެއްކަމަށް މީޑިއަތަކުން ބުނެއެވެ.