މިމަހުގެ 6 ވަނަދުވަހުގެރޭ ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދަށް ދިން ހަމަލާއިން އެމަނިކުފާނުފެ ފުރާނަފުޅު ސަލާމަތްވީ ވަރަށް ހަނިކޮށެވެ. ރޭޒާރ ފުއްތަކާއި އެހެނިހެން ނުރައްކާތެރި މައުދަންތައް ބޭނުންކޮށްގެން ގޮއްވާލި ބޮމަކީ ރާއްޖޭގައި މިހާތަނަށް ހިނގި މިފަދަަ ހާދިސާތަކުގައި ގޮއްވާލި އެންމެ ނުރައްކާތެރި އެތިކަން ސަލާމަތީ ބާރުތަކުން ވިދާޅުވެއެވެ.
ރައީސް މުހައްމަދު ނަޝީދުގެ ފުރާނަފުޅަށް އަމާޒުކޮށް ހަމަލާދިންކަމުގެ ތުހުމަތުގައި ފުލުހުން މިހާރު މިވަނީ 3 މީހަކު ހައްޔަރުކޮށް އެމީހުންގެ ވަނަވަރުވެސް ހާމަކޮށްފައެވެ. އަދި އެމީހުން ި ހަމަލާގައި އަދާކުރި ދައުރު މިހާތަނަށް ފެންނަން ހުރި މަންޒަރުތަކާއި ހެކިންތަކުން ފުލުހުން މިވަނީ ދިވެހި ރައްޔިތުންނާއި ހިއްސާކޮށްފައެވެ. އެހެންނަމަވެސް މި ތިން މީހުންގެ ބަންދުގެ މަޖިލީހަށް ގެންދިޔުމުން ދެއްކި ވާހަކަތައް މުޅިން ތާފާތެވެ.
މި މައްސަލާގައި މިހާތަނަށް ހައްޔަރުކޮށްފައިވަނީ 25 އަހަރުގެ އަދުހަމް އަޙްމަދު ރަޝީދާއި، 21 އަހަރުގެ
މުޖާޒް އަހުމަދާއި 32 އަހަރުގެ ތަހުމީން އަހުމަދުއެވެ.
އަދުހަމް ތުނބުޅި ބަލާ ބޯވެސް ކޮށި
މި ތިން މީހުންގެ ތެރެއިން އަދުހަމްއަކީ ރައީސް ނަޝީދަށް ހަމަލާދިނުމުގައި ބޭނުންކުރި ބޮން ގޮއްވާލި އަދި މި މައްސަލައިގެ ޕްރައިމް ސަސްޕެކްޓްއެވެ. މަޖީދީމަގުގައި ހުންނަ އަތަމާ ޕެލަސް ވޯކްވޭ ތެރޭ ހުރެ މީނާ މިކަން ކޮށްފައިވަނީ ރައީސް ނަޝީދަށް ފާރަލައިގެން ހުރެ ރައީސް ނަޝީދުގެ ހަރަކާތްތައް ބެލުމަށްފަހުކަން ފުލުހުން އާއްމުކުރި ސީސީޓީވީ ފުޓޭޖްތަކުން ސާފުކޮށް ފެންނަން އެބަހުއްޓެވެ.
އަދުހަމް ފުލުހުންގެ ބެލުމުގެ ދަށަށް ގެނައީ މި ހާދިސާ ހިނގިތާ 32 ގަޑިއިރުފަހުންނެވެ. އެވެސް ފިލައިގެން އުޅެނިކޮށް އެނާގެ ފޮޓޯ އާއްމުކުރުން އާއިލީ މެމްބަރަކަށް އޭއީ އަދުހަމްކަން ޔަޤިންވެ އެކަން ފުލުހުންނަށް ހުށައެޅުމުންނެވެ. ފުލުހުން އާއްމުކުރި ފޮޓޯތަކުން މި މީހާގެ ތުންބުޅިއާއި ބޮލުގެ އިސްތަށިގަނޑުވެސް ބޯކޮށް ހުއްޓާ ފެނެއެވެ. އެހެންނަމަވެސް މީނާ ހައްޔަރުކޮށްގެން ނެރިގެން ގެންދިޔައިރު ތުނބުޅިވެސް ކުރުކޮށް ކޮށްފައިހުރިއިރު ބޯވެސް ވަނީ ކުރުކޮށް ކޮށާފައެވެ. ފުލުހުން ވިދާޅުވީ މީނާ އެނާގެ އަސްލު އޮޅުވާލަން މަސައްކަތްކޮށްފައިވާކަމަށެވެ.
މި ހުރިހާކަމެއް މިހެން ހުރިނަމަވެސް ބަންދުގެ މަޖިލީހުގައި ފުލުހުން އެނާގެ މައްޗަށް ކުރާ ތުހުމަތުތަކަށް އިންކާރުކޮށް އަދުހަމް ބުނީ ރައީސް ނަޝީދަށް ދިން ހަމަލާއާއި އެނާއާއި އެއްވެސް ގުޅުމެއް ނޯންނާނެކަމަށެވެ. ދެން އިތުރަށް އެއްވެސް ވާހަކައެއް ނުދެއްކިއެވެ.
ފުލުހުންވަނީ އަދުހަމް އަތަމާ ޕެލެސްތެރޭގައި ހުރި މަންޒަރާއި ރައީސް ނަޝީދަށް ހަމަލާދިނުމަށްފަހު އެނާ އެތަނުން ދުވެ ފިލާ މަންޒަރާއި މުޅި މާލެ ތެރޭގައި އެނބުރޭ މަންޒަރުތައްވެސް އާއްމުކޮށްފައެވެ.
ތަހްމީނު ތިމަންނަ ސައިކަލެއް ނުގެން ގުޅެން
ދެން މި މައްސަލާގައި ހިމެނޭ އެންމެ މުހިއްމު އެކަކީ މި ހާދިސާގައި ބޮން ހަރުކޮށް ގޮއްވާލި ސައިކަލްގެ ވެރިފަރާތެވެ. އެމީހަކީ މި މައްސަލާގައި ހައްޔަރުކޮށްފައިވާ ތަހުމީނެވެ. ކްރައިމް ސީނުން ސައިކަލް ނެގިއިރު ސައިކަލްގެ ނަމްބަރު ބޯޑުވެސް ވަނީ އެހެން ބްރޭންޑެއްގެ ސައިކަލެއްގެ ނަމްބަރު ބޯޑަށް ބަދަލުކޮށްފައެވެ. ވޭވެ 125 ގައި އަޅުވާފައިވަނީ ޕީސީއެކްސް ސައިކަލެއްގެ ނަމްބަރު ބޯޑެވެ. އަދި މިވަރުން އޮޅުވާލުން ނިމުނީކީވެސް ނޫނެވެ. ސައިކަލް އިންޖީނުގެ ސީރިއަލް ނަމްބަރުވެސް ވަނީ ކަހާލާފައެވެ. ފުލުހުން ބަންދުގެ މުއްދަތަށް މީނާ ގެންދިޔައީ މި ހުރިހާ ލީޔެކިޔުމެއް އެއްކުރުމަށްފަހު އެ ތަކެއްޗާއިވެސް އެކުއެވެ. އެހެންނަމަވެސް ބަންދުގެ މަޖިލީހުގެ މި ތަހުމީނު އޭނާ ސައިކަލެއް ގެންގުޅޭކަމަށްވެސް އެއްބަހެއް ނުވެއެވެ. އަދި އޭނާގެ ނަމުގައި އެއްވެސް ސައިކަލެއް ރަޖިސްޓްރީކޮށްފައި ނޯންނާނެކަމަށް ދިޔައީ ބުނަމުންނެވެ.
މުޖާޒަށް އެއްކަމެވެސް ނޭގޭ
ދެން ހުރި މުޖާޒަށް އަދި އެއްކަމަވެސް ނޭގެއެވެ. ބަންދުގެ މަޖިލީހުގައި އެނާ ބުނަމުންދިޔައީ ފުލުހުން އެނާގެ މައްޗަށް ކުރާ ތުހުމަތުތަކާއި އެއްވެސް ގުޅުމެއް ނެތްކަމަށެވެ. މީނާގެ ވާހަކަތައް މިހެން ހުރިއިރު ފުލުހުންވަނީ ބޮން ގޮއްވާލިކަމަށް ބުނާ އަދުހަމް އެކަން ކޮށް މީނާއަށް ގުޅިކަން ހާމަކޮށްދީފައެވެ. އަދި ފޯނުން ވާހަކަދެއްކުމަށްފަހު މި ދެ މީހުން އެކުގައި މުޅި މާލެތެރޭ އެނބުރޭ ސީސީޓީވީ ފުޓޭޖްތަކާއި ފޮޓޯތައްވެސް ވަނީ ދައްކާފައެވެ.
މިތިން މީހުން ހައްޔަރުކުރުމަށްފަހު ފުލުހުން އާއްމުކުރި މައުލޫމާތަށް ބަލާއިރު މި ތިން މީހުނަކީވެސް ހަރުކަށި ފިކުރަށް ތަބާވާ ބައެއްކަން ފާހަގަކުރެވިފައިވާކަމަށް ފުލުހުން ވިދާޅުވެއެވެ. ދެން އޮތީ މިމީހުން ދަންނަ މީހުންނާއި އާއިލީ މީހުންގެ ވާހަކައެވެ. މި އެންމެންގެ ވާހަކަތަކުވެސް މި ތިން މީހުންނަކީ ދިވެހި އިމާމުންގެ ފަހަތުގައި ނަމާދުކުރުން ހެޔޮނުވާނެކަމަށް ބުނެ ޖަމާއަތަށް ނަމާދަށް ނާރާ ބައެކެވެ. އަދި ޖިހާދަށް ސީރިއާއަށް ދިޔުމަކީ ކުރަންޖެހޭކަމެއް ކަމަށް ބުނެ އެކަމަށް ވަކާލާތުވެސް ކުރަމުން އަންނަ ބައެކެވެ.
ހިމަންދޫން ހައްޔަރުކުރި މީހުންވެސް މިހެން
މީގެ އަހަރުތަކެއް ކުރިން އއ ހިމަންދޫގައި ހިނގި މިފަދަ ހާދިސާއެއްގައިވެސް ގިނަ އަދަދެއްގެ ބަޔަކު ފުލުހުން ހައްޔަރުކުރިއެވެ. މި އެންމެންވެސް ހައްޔަރުކުރީ ހަރުކަށި ވިސްނުމުގައި ރަށުގައި ވަކި މިސްކިތެއް ހަދާ ވަކިން ނަމާދުކޮށް ހަދާ އެންމެފަހުން ސަލާމަތީ ބާރުތަކާއި ކުރިމަތިލާ ބައެއް މީހުން ރަހީނުކޮށް އަނިޔާކުރުމުންނެވެ. މި ކުރިމަތިލުމުގައި ސަލާމަތީ ބާރުތަކާއި ދިމާލަށް އޮށްގާ އުކާ، ހޫނު ކަޅޫތެޔޮ އުކާ އަދި އެވަރު ނުވެގެން ލަޓިބުރިތަކުން ތެޅިތައްވެސް ފެނިގެންދިޔައެވެ. މި އެންމެނަކީވެސް އިސްލާމްދީނަށް ލޯބިކުރާ މީހުންކަމަށް އެމީހުން ބުނަމުންދިޔައެވެ. މި ހާދިސާގައިވެސް މިކަން ކުރި އެންމެން ފުލުހުން ހައްޔަރުކުރީވެސް ވީޑިއޯ ފުޓޭޖްތަކާއި ފޮޓޯތަކާއިވެސް އެކުއެވެ. އެހެންނަމަވެސް މި އެންމެންވެސް ޝަރީއަތަށް ހުށައަޅާ ކޮންމެ މީހެއްގެ ވީޑިއޯ ވަކިން ދެއްކުމުންވެސް އެއްބަހެއްވެސް ނުވިތާ އެނގޭކަމަކަށްވެސް ނެހެދިއެވެ. ބުނީ އެންމެ ވާހަކައެކެވެ. ތީ ތިންމަންނަ އާއި ހާދަ ވައްތަރުމީހެކޭ އެކަމަކުވެސް މަށެއް ނޫނެވެ.
ރައީސް ނަޝީދަށް ހަމަލާދިން މައްސަލާގައި ހައްޔަރުކުރި ތިން މީހުންގެ ބަންދަށް އިއްޔެ ވަނީ ކޯޓުން 15 ދުވަސް ޖަހާދީފައެވެ. މި އެންމެނަށްވެސް ބަންދުގެ މުއްދަތު އިތުކޮށްދިނީ ފުލުހުން މި މައްސަލާގައި ހުށައަޅާފައިވާ ހައްކާ ޤަރީނާތަކަށް ބެލުމަށްފަހުއެވެ.
ކަމަނަ
ތީ ތިކަހަލަ މީހުންގެ ވައްތަރު. ދެނަހުރި ކަމަށްވެސް ހަދާނުލާނެ. ދޮގުވެސް މި މީސްމީހުން ހަދައިފިއްޔާ އެ ވާނީ އިސްލާމްދީނަށް ނަސްރުދެނީކަމަށް. އަޅެ ކޯޓުން ކުރަންޖެހޭ ޝަރުޢީ ކަންކަން ނުކޮށް އެބަތިބެޔޭ، އެއީ ތޯޤޫތުންނޭ ކިޔައިގެން. މިހެން ތިބެ ކައިވެނިި ރަޖިސްޓްރީ ނުކޮށްތިބެ ދަރިން ލިބުނީމަ އެދަރިންގެ އައިޑި ކާޑު ނުހައްދާ ތިބޭ. އެ ވެސް ތޯގޫތުން ކައިރިޔަށް ނުދާންށޯ. މަ ހިތަށްއަރާ ދޮގު ހަދާ އޮޅުވާލުމަކީ މި މީސްމީހުނަށް ފަރުޟަކީ ބާވައޭ.