ބެލުންތެރިންގެ މަޤުބޫލުކަން ވަރަށް ބޮޑަށް ލިބިފައިވާ އެމެރިކާގެ ސިޓްކޮމް ސިރީޒް "ފްރެންޑްސް" ގެ ރީ ޔޫނިއަން މިދިޔަ އަހަރު ރިލީޒް ކުރަން ހަމަޖެހިފައިވީނަމަވެސް ކޯވިޑްގެ ބަލިމަޑުކަމާއި ހެދި ރިލީޒްކުރުން ފަސްކޮށް މިހާރު ދެއްކުމަށް ހަމަޖެހިފައިވަނީ މި މަހުގެ 27 ގައެވެ.
"ދަ ވަން ވެއަ ދޭ ގެޓް ބެކް" ގެ ނަންވެސް ދިފައިވާ މި އެޕިސޯޑްގައި ގާތްގަޑަކަށް ކުރީގެ އެޕިސޯޑްތަކުން ފެނިގެންދިޔަ ހުރިހާ ތަރިންވެސް ފެނިގެންދާނެއެވެ. ޖެނިފާރ އެނިސްޓަން، ލީޒާ ކުޑްރޯ، ކޯޓްނީ ކޮކްސް، މެތިއު ޕެރީ، ޑޭވިޑް ޝްވިމާ އަދި މެޓް ލެބްލޭންކް މި އެޕިސޯޑުން ފެނިގެންދާނެއެވެ.
މީގެ އިތުރުން މި ފަހަރުގެ އެޕިސޯޑްގައި މި އެޕިސޯޑުގައި 15 އަށްވުރެ ގިނަ ސެެލެބްރިޓީން ގެސްޓް ތަރިންގެ ގޮތުގައި ފެނިގެންދާނެއެވެ. އޭގެތެރޭގައި ޑޭވިޑް ބެކަމް، ޖަސްޓިން ބީބަރ، ލޭޑީ ގާގާ އަދި މަލާލާ ޔޫސުފް ޒާއީ ފަދަ މަޝްހޫރު ތަރިން ފެންނާނެކަމުގައި ޚަބަރުތައް ބުނެއެވެ.
އެޗްބީއޯ މެކްސްއިން ގެނެސްދިނުމަށް ހަމަޖެހިފައިވާ މި އެޕިސޯޑުގެ ޑައިރެކްޓަރަކީ ބެން ވިންސްޓަން އެވެ. އެޕިސޯޑުގެ މަންޒަރުތައް ނަގާފައިވަނީ ލޮސް އެންޖަލިސް އަދި ކެލިފޯނިއާގައި ހުންނަ ފްރެންޑްސް ސްޓޭޖްގައެވެ.
1994 ން ފެށިގެން އެންބިސީން ދައްކަމުންދިޔަ "ފްރެންޑްސް" ޝޯ ނިންމާލީ 10 ސީޒަނަށްފަހު 2004 ވަނަ އަހަރުއެވެ.